【NU'EST W袭港】唔行VIP通道劲亲民　白虎不停提醒粉丝要小心

NU'EST W 四名成员JR（金钟炫）、Ren（崔珉起）、Aron和白虎（姜东昊）今早经仁川机场出国，来香港出席今晚8点喺钻石山荷里活广场举办嘅记者会，香港L.O.Λ.E（NU'EST粉丝名称）真系等咗好耐，听日喺九展Star Hall举行嘅《2017 NU'EST W SPECIAL CONCERT IN HONG KONG》。

而较早时间机场现场就约有半百L.O.Λ.E喺现场等候NU'EST W，下午约5点05分左右，NU'EST W无经VIP通道，反而从接机大堂A出口现身，一出嚟就跟L.O.Λ.E挥手打招呼。NU'EST W除咗JR无换衫以全黑现身之外，Ren、Aron同白虎可能就因为香港天气太热都有换衫，服装同样以深色为主。

NU'EST W一开始向停车场移动时，L.O.Λ.E就一直冲向偶像，移动期间就有L.O.Λ.E不慎倒地，情况颇为混乱，不过留意到此状况嘅白虎就有回头提醒L.O.Λ.E要小心不特止，更一路行一路讲，又指示粉丝身后有行李车，要看着走。最后NU'EST W分为白虎、Ren一架车，JR、Aron一架车离开机场。