【TVB Secrets】设内部审查组投诉机制　公司主席亲自保密处理　

今日令人最O咀消息，就是TVB文明大倒退！有传TVB为了北望神州，侧重内地长远发展，所以下令要女星有咁密实得咁密实！近至台庆不会再见到女艺员斗性感，远至未来拍剧都不再有强奸、情欲场面，真系连用CG遮心口都悭返。虽然消息指TVB唔系完全禁胸，有需要嘅情况之下都会卖下性感，但系几可会有需要？咪又系港男港姐！所以都系买少见少㗎喇！不过今次乐小姐Whatsapp发告示，短短500几字，仲有好多玄机。除咗顺势推Big Big Channel冲出中国，要珍惜每分每秒做直播之外，而且还有开心大发现，就是TVB原来有告密机制：内部审查组。

咩系内部审查组？就好似明朝嘅东厂咁，当艺员喺工作上有不平等、不愉快嘅经历，就可以用文字形式以Email方式向公司讲，公司主席会亲自处理单case，而且系会保密。虽然呢个机制似乎好顾及到艺员人事、心理需要，但实际是形同虚设。事关有知情者表示，如果工作上有咩啲想法见解想讲，多数会直接向乐小姐讲，咁样系最快最直接，而且乐小姐会亲自开解，讲下可以有咩做法改善之类。有啲咩唔开心或者困难而去揾投诉机制，内部审查组入面嘅同事唔止一个人，pass来pass去，有人就会有是非，“咁咪等于全公司都知？”东厂虽然至高无上，但是难以接近。至于今次TVB禁胸，基本上冇人Say No，想争取更多曝光率，看来要用下脑力。