【爸爸去哪儿】帮你一秒变Jasper　滤镜Apps少女味浓卖萌必备

撰文： 洪晓璇
出版：更新：

《爸爸去哪儿5》拍摄已经全部完结，呢一辑堪称最成功嘅一季，6位小朋友Jasper、嗯哼、小泡芙、小山竹、NeiNei、Max各有支持者，佢地嘅童言童语以及可爱模样深受观众喜爱，连五月天嘅阿信、林宥嘉以及陈乔恩都系捧场客。乔恩就曾经PO过KEY咗Jasper招牌火龙果样嘅相片，原来有Apps推出《爸爸去哪儿5》专属贴图，一秒变Jasper嗯哼一啲都唔难架﹗

节目后制组非常有心思，每位小朋友都有加上唔同专属动态。(微博图片)
“嗯哼的少女辫”曾经登上搜寻榜第一位。(微博图片)

节目成功有赖台前幕后努力，睇节目都知《爸爸去哪儿5》掌镜摄影师非常多，每组艺人星B起码两三个镜头跟住，早两日杀青宴足足筵开31席，可想而知制作几咁庞大。而后制亦非常用心，为几位星B加上唔少专属动态图，好似小泡芙嘅面红兔耳、Jasper嘅火龙果同嗯哼嘅小辫子，真系睇到都少女心大爆发，仲有网友将佢地嘅表情包整理后开放俾大家下载。“嗯哼的少女辫”就曾经登上搜寻榜第一位，有后制人员之前就制作过程。

忠实网友整理各小朋友的表情包。(微博图片)

后制人员表示，第一次拍摄完睇到原片时，见到嗯哼好佻皮嘅表情，一致觉得应该要加强佢咁萌嘅特质，最终决定帮佢加两条辫。先根据小女生嘅辫子手绘制作，再因应嗯哼嘅情绪反应作调整，估唔到网友反应非常热烈，所以成为恒常嗯哼专属动态图。就连嗯哼爸爸杜江，都曾经要求节目帮佢key番两条辫仔。

细心睇下，嗯哼嘅少女辫每次郁动都有点唔同架，后制组的确有心思。(微博图片)
杜江KEY上少女辫原来都几衬噃，果然同嗯哼好有父子相。(影片截图)
APPS内有8款《爸爸去哪儿5》专属动态图，大家觉得边个最可爱？

大家想秒变可爱又唔使揾PS大神嘅，有滤镜Apps就推出《爸爸去哪儿5》专属动态图，Jasper嘅火龙果、扩音器、Neinei嘅天使光环、Max满头问号，当然唔少得嗯哼嘅小辫子，全部有齐，大家可以选择手机内相片key图，又或者拍摄GIF动态档案亦可。节目即将播完大家都可以自己key图，随时怀念下呢班可爱嘅星二代。

专属动态图贴落唔同星B个样，大家又觉得衬唔衬？
Apps内可以选择，从相册拣选或拍照拍GIF图都可以。

APPS名称：Faceu (Android及Apple Store均可下载)

+3