【蚀日风暴】拍内地网剧又靠父干？　梁靖琪：边个屋企人唔帮仔女

卧底剧、警匪剧对于香港观众应该一点不陌生，反而内地电视剧就好少有呢种题材，由梁家树监制与内地视频网站合拍的的超级剧集《蚀日风暴》今午就在邵氏影城举行发布会，剧中一众演员包括张智霖、薛凯琪、王阳明、秦沛都有出席，身为监制的爱女梁靖琪（Toby）当然要参演一角，问到怕唔怕再次被外界批评靠父亲先有剧拍？Toby直言，“有边个屋企人唔会帮自己嘅仔女，自己入行13年都好想大家记得系我嘅演技，而唔系靠爸爸任何嘢。”

由于今次《蚀日风暴》与内地网站合作，外界都指有内地“科水”酬劳一向高，咁Toby对于今次酬劳又点睇呢？Toby笑言系好满意，“当然系好满足喇，知足就得㗎喇。”提到近年网剧的评价大部分都系赞多过弹，Toby都睇好呢𠮶市场，“好多谢网剧嘅一切，令观众见返一班到好熟悉面孔的香港演员。”的确，其他角色真系熟口熟面，有梁健平、林嘉华、郭政鸿、许绍雄、麦长青及艾威等，Toby表示，“好多都系离开咗一个‘大台’而去寻找一个出路，其实每个人都需要一个机会，唔好因为靠咩关系先有机会，系每个人都要等一个出路。”她笑言剧中的内地演员都十分好奇他们点解感情咁好，她向他们解释因为大家都是“大台”出身。

讲到好姊妹佘诗曼日前就系Instagram上载泳衣照，Toby就话一早已经睇过，被问到咁有无再靓啲嘅相时佢就话，“佢影咩都靓，唔需要特别拣。”而今个月底她亦会为英皇集团做慈善义卖，收集艺人的二手衣物以及全新的物件，捐俾一班有癌症的小朋友。