与言承旭蜜会40小时传婚讯　林志玲现身风骚晒V

言承旭林志玲兜兜转转15年，终于再次喺正确时间对上，佢地喺马来西亚吉隆坡蜜会消息一出，复合消息不绝于耳，林妈妈成功进占两岸三地娱乐版C1头条。一齐搭电梯上房，又孖住齐齐出汗做GYM，睇嚟玩得相当高兴。蜜会40小时后林志玲终于现身机场，面对记者提问风骚晒V，相信呢次旅程令佢地感情迈进一步。

其实佢两个情路兜转多时，大家听到复合消息都戥佢地相当高兴，希望佢地呢次能紧紧抓住幸福，唔好再错过彼此。去年言承旭参加朱孝天峇里岛婚礼时，曾经话：“有股冲动想推开大家去接捧花。”林志玲亦长年被催婚，有知情人士甚至指佢地已经准备好婚纱，谂住到峇里岛举行婚礼，如果成事相信大家都会非常祝福。