【一圈圈】杜汶泽再谈染罕见怪病　自称感觉好自在：无咩嘢好担心

上月底杜汶泽到商台接受《一圈圈》主持人梁泰来（Terry）的访问，除了提及与吴君如不和传闻外，其实都有讲返2012年阿泽感染罕见怪病“米勒费雪症候群”当时的情况，缓和一下之前尴尬的氛围。Terry讲提起早前与田蕊妮访问提及此事就讲到喊，因为自己好不知所措。阿泽就透露当时的感觉好自在，“因为你都死，人都要死，咁无咩嘢好担心系咪先。”

Terry之后提到可能有机会离开老婆田蕊妮，阿泽直言无办法，“始终有一日会离开佢系咪先，人有咩好得过死，睇下点死咋嘛。唔系睇你一个人点死，而系睇下一个人在生做过啲咩。咁边个唔洗离开，你同我都要离开，始终有一日走嘅时候好多人唔舍得，咁结果又系点样。都系毫无选择咁离开，咁点解唔欣然面对呢？系一个心态上转变。”对于死亡阿泽真系睇得好开，“阿田都担心，所以之后佢妈妈走都系咁面对。所以生老病死早啲识好过迟啲识，呢啲系每个人会面对同经历嘅历程。”

阿泽透露当年医生同自己讲，这种病需要2-3年才能治愈，有一段时间不能离开屋企，“可能要换血，但佢就唔prefer咁做，佢知道我一路都有打坐，佢就上网search发现原来打坐对免疫系统有好处，好似reboot机，返这原本的状态，打打下又好返。”他指当时只需要2-3𠮶星期就治愈，医生大赞是奇迹。咁同太太田蕊妮的关系有无因此而变得更加好？阿泽就话，“每日都有经历，都有唔同改变，唔系点解会话做生不如做熟，好似你入电台做，日日啲嘢都重复，但你随著时间耐左就有好多唔同感情产生，就算中间有考验，到最后你都会发觉，无嘢可以赢到时间。我意思人与人之间时间耐左嘅关系，一定系越熟嘅朋友越好。”

其后Terry就话每逢结婚周年或者太太生日，大赞阿泽都会悉心炮制好sweet嘅事件，阿泽听完就直言，“沟女系咁架喇。你要keep住沟架嘛。出唔到去沟咪返屋企沟自己老婆。”他笑言出去沟女无人骚自己，“两个人一齐要保持住新鲜嘅感觉，你都要谂一个办法佢开心，因为佢开心你先有好日子过。（系咪因为你将财政交俾对方打理？）𠮶阵系签英皇之前已经讲好左，我系寰亚走无晒钱，签英皇就有钱，佢就话，（唔好讲咁多，全部俾晒啲钱我）我每个月出返15000蚊比你，到而家1蚊都无加过，佢自己啲股票系咁升，由𠮶下开始我就变无产阶级，一路到而家。”最后阿泽仲要话因为当时太太田蕊妮无工作，唯有可以做的就是睇住啲钱，好似看更咁。