【降魔的】黄智雯最深刻的灵异故事　去到南非都“撞鬼”？

《降魔的》播映已经差不多1个星期，网民更加罕有地赞套剧“高质”。例如用的士司机做鬼怪剧题材就已经很新鲜。坊间相传，除了的士司机这个职业容易“撞鬼”之外，其实空姐也属高危一族。剧中饰演医生及“魔”的黄智雯，在当上演员之前也当了空姐2年，原来都差啲撞鬼。

黄智雯说：“呢个故事我讲起都毛管栋。我以前做空姐，去到南非约翰内斯堡，𠮶度系好荒芜嘅地方。我哋住嘅酒店系好大间，好似度假屋咁㗎。我哋几个同事都系住隔篱房，即系连埋一齐咁。我哋成程都嘻嘻哈哈好开心咁。但系我仲记得回程机嘅时候，一个男同事就同我讲：‘其实喺酒店𠮶度，我已经想同你讲，但系我又唔想吓亲你。’咁我话咩事吖？”

“佢话：‘我哋𠮶晚食完饭，返到去酒店房𠮶阵，我间房啲家私全部都捞乱晒⋯’佢话连啲电视机梳化都唔同晒位。但系我间房就咁啱系佢隔篱，所以我都庆辛佢当时冇同我讲。如果唔系我一定瞓唔着觉。我谂呢个系我听过最深刻嘅灵异故事。”