Angelababy新剧取代唐嫣做女主角 网传陈道明吴秀波相继拒合作
Angelababy同黄晓明呢对圈中吸金力最强嘅夫妻，人气旺盛但是非亦从来无停过。Baby产后继续工作，接拍首套时装剧集《创业时代》后，最近确定11月入组拍摄《欲望之城》，点知又惹来连串是非，事关最初电视台宣布，男女主角系由陈道明以及唐嫣担岗，变成Baby出任女主角后，又传陈道明辞演由吴秀波顶上，有传因为几位都唔想同演技备受质疑嘅Baby合作。
近年Baby全力于内地发展，虽然佢嘅演技一直备受批评，但凭住超高人气依旧片约不断。今年佢同内地实力派小生黄轩合作拍摄剧集《创业时代》，曾经传出Baby某天播摄途中接到电话后突然离开剧组，连续5日未见踪影，令黄轩要被逼同空气借视线做戏，后来证实𠮶几日根本无Baby嘅戏份，呢次虽然是谣传，不过是非仲未完呀。
9月中浙江卫视于秋季招商会，即系类似“TVB节目巡礼”嘅活动上，率先曝光明年待播剧集，其中一套系由陈道明以及唐嫣主演嘅《欲望之城》，当时指剧集会喺11月开机拍摄。事隔一个月忽然传出女主角变成Baby，取代唐嫣之说吵得沸沸扬扬，估唔到事隔几日又传出陈道明都辞演，换成吴秀波顶上。
套戏一日未开拍，演员有变更都系平常事，无论系档期问题定剧组考量都不意外，不过《欲望之城》嘅变故似乎比较特别。当大家仲消化紧吴秀波同Baby老少配做情侣时，又传出吴秀波辞演嘅消息，虽然马上有人跳出嚟澄清，指吴秀波专诚为呢套戏到米兰添置一堆服饰，但估唔到大部分网友竟然留言赞好，也就是说在坊间舆情系支持吴秀波辞演《欲望之城》，比想他演的人更多。一次又一次变更，茅头都指向Baby……
Baby近年喺综艺同时尚方面表现不俗，但自从剧集《孤芳不自赏》后，观众对于Baby嘅演技一直都颇有微词，而佢主演嘅剧集大部分口碑都差强人意，即使系王家卫监制嘅电影《摆渡人》，观察普遍指Baby演技比同剧嘅梁朝伟金城武甚至熊黛林都差距甚远。所以网友评论《欲望之城》阵容时，对Baby演技抱有极大怀疑。到底呢次孖住实力派大叔控吴秀波，佢会唔会嚟个演技大跃进呢？