【少女时代】润娥来港出席品牌活动　多次回头跟SONE挥手

少女时代成员润娥（又译：允儿）上个月都已经系个大忙人，先孖住张东健一齐做《釜山国际电影节》司仪，再又出席《大钟奖》，更喺第一届《THE SEOUL AWARDS》中获得人气奖！
摄影：黄国立

大忙人润娥今日就抽空来港出席晏昼Salvatore Ferragamo嘅品牌活动，由于韩国嘅天气已经转凉，出外都要着上大褛，润娥喺韩国上机前就着上黑色高领长袖毛衣，外配深蓝色大褛，下身则着上松身牛仔裤，并无晒脚。

可能香港嘅天气同韩国仍差得远，润娥出嚟之前已经除咗大褛。而且润娥今日亦无行VIP通道，不过就有一众保安包围住允儿步行至停车场上车，但步行期间润娥都有跟旁边嘅SONE微笑、挥手，非常亲民。润娥更喺上车之前再度回头，同迎接佢嘅SONE（少女时代粉丝名称）挥手打招呼再上车离开。