【心冤】叶念琛继续有阿宝情意结　今次竟然系佢取代邓丽欣？

美国的福斯传媒集团（FOX）推出迷你华语剧，将会在2018年第一季播出悬疑剧《心冤》，有惠英红同黄秋生等重量级人马。不过当大家知道系由叶念琛执导嘅时候，大家都不禁好惊讶：“乜叶念琛都会拍悬疑片㗎咩？”冇错！你冇睇错！佢就系捞埋电视个瓣！有“旺角活地亚伦”之称嘅佢，对今次《心冤》作品好满意：“呢套剧超越好多电视嘅尺度，尤其系血腥场面！”

讲起叶念琛，都会谂起一堆“爱”字系列电影，每套嘅女主角嘅名都会叫阿宝，呢个系叶念琛嘅情意结。咁拍电视剧，仲要系悬疑片，呢个习惯会唔会有所改变？答案系冇！《心冤》女主角惠英红就揭秘，话自己今次叫做“Madam Bo”，都系叫做阿宝，系最老嘅阿宝。而叶念琛就搞笑地话：“系攞得最多奖嘅阿宝！”咁Stephy咪…无论点都好，有叶念琛就会有阿宝，而阿宝就会以唔同方式呈现畀观众。

叶念琛捞多瓣，佢坦言越拍越有兴趣，一来FOX嘅水喉好充足，二来佢都唔想只拍爱情片，“电影点都会拍，我一直做紧（爱情电影）嘅都会拍，但电视剧有几个都仲搞紧。”至于系咩电视剧呢？叶念琛就保持神秘喇。