FOX推出手机平台TVB无掟企？　叶念琛：资金够我拍几套电影

美国的福斯传媒集团FOX年头开始拓展华语剧集市场，而且非常重本。目前就有两套已经完成的迷你剧，由刘德华监制的《香港华尔街》以及叶念琛执导的《心冤》。消息一出就已经震惊700万人，因为听到美剧创作㖞！系香港点会有？所以都一键留名，好期待咁话！

就系今日，FOX就举行发布会，除咗公开两套华语迷你剧的预告片之外，仲有件好爆嘅事要讲，就系FOX都出手机App“FOX+”，有咩咁吸引？就梗系睇呢两套剧喇！话到明系FOX，当然有埋电影睇，佢仲会包埋“FOX Movies”、“FOX Action Movies”等。就可以一个申请、二人同步，一个月畀$188任睇。直头用手机平台硬撼MyTV SUPER！

据知TVB嘅MyTV SUPER至尊版一年畀$1880，相对嚟讲，FOX+一个月百几蚊又好似贵咗少少，但系有得美式、有外国感觉嘅港剧，大家又制唔制呢？而今次执导FOX重头剧《心冤》嘅叶念琛，佢就对FOX赞不绝口，因为好揼本！佢话：“拍剧嘅资金真系非常充裕，个成本真系比我拍电影多好多。”究竟有几多？佢再讲：“可以畀我拍多几套港产电影！”哗！咁讲法，真系要睇下拍成点喇！