【爸爸去哪儿】应采儿当众锡陈小春　Jasper呷醋出手抢人

有一种爱情，叫陈小春应采儿，从前火爆嘅小春遇上大情大性嘅应采儿之后，已经由山鸡变成温驯小绵羊。小春曾经讲过：“我每天起床都要看见我老婆，还有我儿子，不然我会不开心的。”最近小春带住Jasper参与《爸爸去哪儿5》，被可爱嘅囝囝抢尽风头，新一集应采儿现身客串，又喂小春食饭又不停锡锡，搞到睇足全程嘅Jasper都呷醋呀。

性格开朗、大情大性嘅应采儿，同一脸宠溺嘅陈小春，一向系众人艳羡嘅明星夫妇，而随住《爸爸去哪儿》节目的曝光，更能感受到陈小春夫妇一家温馨氛围。新一集中小春同叮叮著上粉红色同红色上衣，一睇已经衬到绝。应采儿为老公同囝囝送上爱心早餐，然后就揽住变连体婴。食物冻晒啦，不如食咗先啦……

一对恩爱夫妻又点止揽揽，除咗连体婴之外佢地仲化身啄木鸟，一kiss，再kiss，Jasper企喺应采儿身边呆呆望住似乎呷晒醋，原本一只手靠喺妈妈身上，眼见妈妈仲未锡够似乎无打算理自己，目光一直望住爸爸，Jasper索性成个人紧抱住妈妈大腿，就好似话“你两个锡够舍得理下我未呀？”，网友不禁笑言小Jasper应该呷醋了，“求Jasper心里阴影面积”。