【爸爸去哪儿】吴尊女儿Neinei无公主病 冒险落山坡执南瓜
做父母都会想将最好嘅嘢留俾仔女，慢慢好容易令小朋友形成依赖，骄纵任性有公主病。来自汶莱嘅吴尊家境富裕，佢爸爸系当地嘅地产大亨，吴尊自己亦开设全汶莱最大型健身中心，NeiNei同Max喺咁优越嘅生活环境下成长，无变成任性嘅小公主小王子，喺《爸爸去哪儿5》中更表现得好有礼貌同教养。新一集中NeiNei为咗爸爸同弟弟嘅午餐，唔怕危险同污糟穿过篱巴爬落山坡，令网友赞不绝口。
《爸爸去哪儿5》几位小朋友当中，年纪最大又最有经验嘅就系吴尊囡囡NeiNei。2014年当时只有3岁半嘅NeiNei，已经参与《爸爸回来了》拍摄，呢次再回归变成节目中嘅大姐姐。刚开始时因为Neinei比较不适应乡村生活、饮食习惯，让网友一度质疑是娇娇女，不过随著节目进入中期，Neinei负责任性格越来越明显，不时对几个小朋友照顾有加，好似之前去火龙果园，会一力承担做搬运工作，即使整伤手都无哭闹继续默默工作。
新一集中NeiNei接到新任务，要同小山竹上山揾食物俾大家做午餐，NeiNei一边行一边留意小山竹跟唔跟得上，遇到狗嘅时候虽然两个人都好惊，但NeiNei都将内侧位置让俾小山竹，自己面对大黑犬。之后佢地揾到一个大南瓜，对小朋友来说实在太大太重，佢地一边搬一边多次停低休息，然后NeiNei谂到可以利用南瓜嘅外型慢慢滚落山。点知落梯级时南瓜失平衡碌咗出篱笆外嘅山坡。
NeiNei见到南瓜出意外，第一个反应就系担心爸爸同弟弟无午餐食，望一望个篱笆，然后决定从篱笆及石级间嘅空隙穿到山坡，吓得工作人员心惊胆跳连忘制止，不停叫NeiNei“上来”、“我帮妳去拿”，深怕佢一个不小心跌落山谷。不过NeiNei意志坚定表示自己OK，避开竹篱笆尖锐的地方，好勇敢地钻过去，顺利执番个南瓜后，再从同一个空隙爬番上石级，开开心心咁拎住南瓜返去揾爸爸。爬来爬去既唔怕污糟受伤，亦表现出好强嘅责任心，整跌南瓜坚持要自己去执番，NeiNei勇敢又果断嘅表现，令网友大赞佢系“最没有公主病的小公主！”