【万圣节．多图】官恩娜2岁囝扮吸血绅士劲萌　星B可爱造型大检阅

撰文： 洪晓璇
出版：更新：

10月31日万圣节，又系一年一度攞正牌扮鬼扮马嘅日子，唔少艺人会帮仔女悉心打扮，平时已经超得意嘅星B们可爱度爆晒灯﹗大家未谂好今年扮咩，不妨向佢地偷下师啦﹗

每年谂万圣节扮咩好，都可以好头痛。(丁子高IG)
杨千嬅同丁子高，可以孖住去拯救地球。(丁子高IG)

杨千嬅忙住为跨年演唱会彩排，早两日抽时间陪囝囝Torres扮鬼扮马，千嬅以神奇女侠造型现身，尽show近日训练成果，老公丁子高就戴上金色假发配战士造型，不过都不及Torres全面加双手搽到绿晒咁抢镜﹗

Torres画到面同手都系绿色，唔通扮紧变型侠医？(丁子高IG)
好多人问究竟腹中系男定女，官恩娜就笑住话系南瓜嚟架。(官恩娜Facebook)

怀孕6个多月嘅官恩娜，就著住黑色长tee，肚前有个大南瓜，至于已经2岁嘅囝囝BéBé G就扮成吸血小绅士，造型可爱多过惊吓。佢话如囝囝去万圣节派对，会收到很多糖，叮嘱囝囝唔好食太多。

BéBé G呢个吸血王子look好情深呀。(官恩娜Facebook)

周汶锜两个囝囝Jacques同Avner仲有钟丽缇囡囡，都扮成小魔鬼同女巫，台湾艺人贾静雯同修杰楷，就将两个囡囡咘咘Bo妞画成小猫咪，至于范玮琪同黑人陈建州嘅孖仔，就比较特别，全身红色扮消防员。

周汶锜两个囝囝Jacques同Avner，混血BB果然特别可爱。(周汶锜Facebook)
贾静雯同修杰楷嘅两个小朋友咘咘及Bo妞，深得台湾网友欢心。(贾静雯Facebook)
+2

大小S孖住大班老友提早开Halloween Party，小S扮成甜美的白雪公主，直呼“为了孩子什么都得做”， 不过就“发现自己真的很像白雪公主，但个性是巫婆喔”。至于3个囡囡分别扮安娜贝尔、《Coraline》卡罗琳以及小猫女，不过都不及表弟汪希箖抢镜，因为大S之前讲过唔想俾囝囝曝光，咁啱小S贴嘅其中一张合照，徐妈妈正正就抱住大S囝囝。

估唔到万圣节party，扮鬼扮马都不及好少露面嘅大S囝囝抢镜。(徐熙娣Facebook)
好多小朋友连帽都唔肯戴，估唔到CC愿意戴艺伎假发呀﹗(关颖Facebook)

最有心思就不得不提台湾艺人关颖啦，今年佢帮囡囡CC打造4个造型，分4日PO上网同大家分享，第一个曝光的是美人鱼造型， C.C.一手拎住棒棒糖，以美人鱼的造型坐在泳池边，关颖还写道：“还记得去年的胖河豚 长大了~”，隔日古代格格的型，第三个日本艺伎look令网友惊叹“CC竟然愿意戴艺伎的假发”

最有爆点嘅压轴造型，居然系Victoria Secret超模look！2岁嘅小妹妹著住白色Lace边Bikini，仲有白色吊带网袜，背脊揹住天使翅膀，简直系天使与魔鬼嘅化身，网友不禁惊叹妈妈太有心思啦。