【宋仲基宋慧乔结婚】Oppa爸妈点睇新抱？　爆料记者预告下单恋情

Viu《K1头条》一连4晚，继续由Dispatch记者朴惠真讲述当初追访宋仲基宋慧乔宋宋cp嘅过程，其中就问到东京密会照片已经系宋宋cp拍拖最强而有力嘅证据，点解过咗成大半年先揭宋宋cp嘅恋情、当时系咪已经即刻联络咗宋宋cp嘅所属经理人公司而佢哋又点回应呢？

朴惠真记者就表示：“喺取材嘅过程中就已经确定咗宋宋cp系恋人关系，系继续取材嘅期间就发现宋宋cp唔单止系恋人关系，而已经到咗谈婚论嫁嘅阶段。原本打算系将宋宋cp准备结婚嘅相都影低埋，但就因为经理人公司方面抢先一步公开咗，反而我哋打电话去系恭喜佢哋。”

【宋仲基宋慧乔结婚】Dispatch记者亲身爆料　宋宋cp几时拍拖？

之后就有消息提及仲基oppa嘅爸爸略嫌宋慧乔年纪龄比宋仲基大，觉得唔太够传统。当然都有问到朴惠真记者究竟仲基oppa嘅爸爸妈妈点睇乔妹呢位未来新抱仔呢？朴惠真记者就讲到：“其实两家人对于宋仲基同宋慧乔拍拖都好满意，觉得系一场美好嘅相遇，亦都有为佢哋送上祝福。”而朴惠真记者就觉得宋仲基同宋慧乔系亚洲最佳情侣，两人性格好似，而且佢哋出咗名系拍摄现场都非常照顾工作人员，平时都好热心公益，都系对暖男暖女，仲话好期待两人会成为模范情侣添！今晚最后一集朴惠真记者仲会大爆下一单恋情爆料时间，唔知今次系偶像定系演员呢？

更多图片

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/