张栢芝做拳赛评述？　直击家中爱猫互片大嗌：睇住Attack

张栢芝早前开通个人Instagram后，不时上载生活点滴，跟粉丝分享她的喜乐，而近日最多出场的不是栢芝自己，或者两个囝囝Lucas及Quintus，而是家中的几只小猫咪，最搞笑是栢芝跟其他猫奴一样，很喜欢跟猫咪倾闲偈，而几只猫咪眼仔碌碌，又仿如真的听懂她的说话，情景十分窝心温馨。

栢芝家中的猫咪，各有不同性格，而且不要以为牠们一起住就一定好Friend，为了独自霸占主人，都会各施各法，而其中一只灰色猫咪，栢芝就如此形容牠，“呢只猫呢好恶嘅，要霸住全间屋嘅权柄，佢要控制晒所有嘢啦，边只猫入我房要经佢同意啦，我嗌第二只猫，佢都会闹我嘅。”穿著粉红色Hello Kitty睡衣的栢芝一边拍片，一边叫其他猫咪的名字，果然激到灰猫扎扎跳，仲出手拍了栢芝几下，当然是无甚威力啦，栢芝即忍不住轻抚爱猫背脊，要氹返猫咪“唔激你啦，It’s ok，傻猪猪”。

至于另一只虎纹猫，亦很喜欢黐着栢芝，近日爱上亲自设计，再用衣车造衫的栢芝，上载了一段车衫时的短片，而栢芝就突然化身记者，跟虎纹猫咪做访问，“究竟点解你次次都要瞓喺我啲衫度呢？我访问下你先，呢位朋友点解咁钟意压住我啲衫，无一幸免。”栢芝仲话希望当日可以有灵感车衫，而猫咪当然是继续在栢芝的衫上做睡宝宝啦。

两只猫咪就好似后宫佳丽争宠，渴望栢芝的关注，近日两只猫咪终于忍不住大打出手，而栢芝不但拍片直击过程，还化身评述，“今日见到你哋精神晒，仲要系度搏斗，我就放心啦，昨日你哋两个郁都唔郁，吓死我啦，Attack、Attack，睇住、Attack，啊，一比零，输咗。”栢芝虽然讲得精采，其实是两只猫咪在梳化上追逐，跟着虎纹猫轻轻打了一下灰色猫咪，都系属于嬉戏居多，有栢芝这个好主人，猫咪当然生活幸福愉快啦。