古天乐旧手机用足8年 用推盖电话唔想换：系几美好嘅回忆
撰文： 郭敏玲
出版：更新：
近日被封为“最长情”的艺人一定是古天乐，因为有网友发现他仲用紧8年前出产推盖手机。而古天乐晚上就以一身型格全黑冬季装兼带上黑超现身手袋专门店开幕礼，完全符合他Mr.cool的形象！当被问到仲用紧推盖手机一事时，古仔笑言自己系好念旧嘅人，“我系用开就会一直用嘅人，肯定无选择恐惧症。”
古仔透露推盖手机是由推出就开始用到现在，因为变左习惯所以就唔想换，“我觉得都系几美好嘅回忆黎嘅，虽然我都有用智能电话，因为而家科技发达，我都要有用智能电话去睇下email睇新闻。”今日带上黑超现身活动的古仔，原来并不是扮有型，而是因为眼睛受伤，“只眼受伤系因为前日拍戏拍一个动作场口，唔小心用兵器打到自己，而家眼白有部分裂开左，今朝缝左8针。”他表示昨晚立即乘坐专机回港睇眼科医生，幸好没有大碍，“医生check过视网膜无事，裂开嘅地方去晒啲血要3-4个星期。”问到会否需要特别请假养伤？出名敬业的古仔就话，“尽量做到嘅工作都去做，同埋要睇工作环境，因为好容易感染。”
古仔都好感激剧组俾自己放几日假养伤，提到上星期要在工作中度过47岁生日，会否趁今次放假顺便庆祝埋生日？古仔就咁讲，“唔洗喇，我觉得而家尽量睇下可唔可以安排好工作先。”