【第54届金钟奖】薛耿求再封王称挂住任时完　朴叙俊获最佳男新人

撰文： 沈洛嘉
出版：更新：
润娥月中先出席完《釜山国际电影节》，寻日再度出席首尔《第54届大钟奖》。（网上图片）
珉豪一身黑色西装现身。（网上图片）

寻日（25日）韩国《第54届大钟奖》喺首尔世宗文化会馆举行，《大钟奖》由红地毯开始已经星光熠熠，月中出席过《第22届釜山国际电影节》嘅SHINee成员珉豪同少女时代成员润娥（又译：允儿）都有参加今次《大钟奖》，当中更有Apink成员孙娜恩、女神孙艺珍、男神赵寅成、《逆权司机》宋康昊同“东万”朴叙俊喺红地毯上同粉丝见面，而宣美仲为大钟奖带嚟《Gashina》作为祝贺舞台！

【釜山电影节】张东健与润娥珉豪饮酒庆功　海云台户外会粉丝

宣美仲为大钟奖带嚟《Gashina》作为祝贺舞台。（网上图片）
薛耿求话好挂住任时完。（网上图片）

而系奖项方面，由李炳宪（又译：李秉宪）以及孙艺珍同时颁发嘅最佳男主角就由演出《不汗党：坏家伙们的世界》嘅薛耿求（又译：薛景求）获得，薛耿求今次系时隔15年再次获得大钟奖最佳男主角，佢仲话：“我今日著咗《不汗党》嘅服装嚟到现场，再一次感受到电影中嘅感情，而任时完就好似喺我隔篱一样，我都好挂住任时完。”

演出《朴烈》嘅崔瑞熙同时获得最佳女主角同最佳女新人。（网上图片）

而最佳女主角和最佳女新人同时由演出《朴烈》嘅崔瑞熙获得，崔瑞熙系获得最佳女主角时就表示：“我从来都无谂过可以攞到咁大嘅奖，要讲嘅头先都系拎新人奖嘅时候讲晒，比起想像中有好多观众都钟意呢套戏，就算系套戏落咗画之后都给予我哋好多关爱，真系好多谢大家！”

[韩国直击]少女时代润娥8变5后现身釜山电影节　SHINee珉豪起哄动

朴叙俊以《青年警察》获得最佳男新人。（网上图片）

而朴叙俊就以《青年警察》获得最佳男新人，佢发表感言时就讲到：“《青年警察》系由一众导演以及工作人员出尽全力制作而成嘅作品，呢份光荣由我一个获得虽然有啲唔好意思，但同时都好感谢大家、父母以及粉丝。”

宋康昊主演嘅《逆权司机》则获得最佳作品奖。（网上图片）

更多《金钟奖》图片

+19

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

少女时代润娥临时接任《釜山电影节》MC　顶替大肚金荷娜上阵【釜山电影节】韩孝周朴素淡“黑色女神”晒靓背　珉豪派心冧粉丝【釜山电影节】韩孝周孙艺珍当灾　“暹芭”吹袭薛耿求遇上“真。海云台”