【终极街头魔法王】何雁诗做魔术助手变主角：唔好focus身材

曾经有人讲过睇魔术识睇一定系睇助手，昨晚由“魔法王”甄泽权（Louis）以及何雁诗、翟威廉及林颕彤等主持的TVB节目《终极街头魔法王》新一集中，就掀起网友的讨论。点解呢？当中担任助手的何雁诗（Stephanie）就穿了一件低胸小背心，身材更被网友称为“变幻球”。Stephanie接受《香港01》电话访问时透露其他主持人有send图片俾佢，“有啲尴尬同唔好意思，希望大家唔好focus我身材到，因为Louis嘅魔术真系好神奇，始终𠮶节目系佢，放咗好多时间落去筹备。”

平时著衫都较为密实的Stephanie ，今次在节目的低胸小背心令网友大为震惊，Stephanie 就指，“可能平时唔系刻意行性感路线，今次突然著一件低胸衫出嚟，大家可能吓咗一跳。”提到今次节目中的低胸小背心是否节目组准备时，她表示，“有时系自己有时系公司拣嘅，今次件衫就系自己嘅。（之后会唔会睇过件衫先著？）其实啲衫都好少再check ，同埋拍摄过程都好密，无时间再睇啲衫系点。”

Stephanie 仲透露呢件衫之后会在节目再著一次，“因为之后都懒得谂著咩衫，好似之前𠮶几集著制服咁，隔成个月先拍，所以洗完又著洗完又著。”睇返今次《终极街头魔法王》节目，有不少镜头都经常移动，似乎想制造动感效果，但就令她的身材今次被网友称呼为“变幻球”，问到会否向节目组投诉？Stephanie 笑言，“都唔会，同啲crew好friend，其实唔关佢地事，因为自己细粒而角度永远都系上面高抄落嚟，所以都唔会怪佢地。”