【后生仔倾吓偈】冯盈盈初恋男友原来契细佬　90后最爱FB乱认亲戚

《后生仔倾吓偈》今集终于又齐人，事关有金句王麦明诗之外，另一位爆料王冯盈盈出返嚟喇！话明系爆料王，讲嘢紧系够爆喇。话说今集系讲用网上社交平台交友，讲到以前好钟意喺网上同其他人“认亲认戚”，相信唔少80、90后都会经历呢个阶段，例如一个男仔，对个女仔有好感，但又唔想咁快表白破坏呢种暧昧关系，所以就会认佢做“阿妹”，当然系无任何真正嘅亲戚关系，不过如比朋友，或是亲密朋友更加亲密。

在网上乱搞亲戚关系，在当年可谓正常不过，随时在Facebook上的关系表会有十多个亲戚。Crystal在节目中说到原来她自己也曾经有呢种风气，她说：“一开始我个初恋男朋友，我系认佢做契细佬，佢细我一个月左右。一开头大家开始了解，之后做朋友，咁我就话不如你做我细佬喇，我啲朋友就话我多咗个‘契弟’。之后我哋就开始相恋喇，非常之经典嘅桥段。”曾经做唔成情侣先会变契兄弟姐妹，原来情况已经掉返转喇。

《香港01》记者就住呢件事追问Crystal，原来当年佢中学时机玩得最癫，她说：“其实呢，我最高峰时期，即系喺Facebook上面认亲认戚呢种，主要都系中学时期，𠮶时通常都会tag好多人做你姐姐或者妹妹，或者tag一啲玩得嘅朋友做姨妈。我亦都试过将我两只狗仔set做姐弟嘅关系，反而我就无将自己真细佬show出嚟，所以真系好好笑，你唔系将你真正嘅family member show出嚟，但系咁改啲无血缘关系嘅人做家人。不过自我入咗大学之后就开始无玩呢样嘢喇，因为已经唔兴喇。”的确，呢种风气基本上已成为历史，还记得当年有不少讨论区都有人招FD子（朋友），自从交友app出现后，这种情况已经成为少数，被时代淘汰。