宣萱重提同张卫健分手　原来全因大男人心理！

宣萱之前在《不懂撒娇的女人》中演活了女强人Mall姐一角，现实生活中的她同样醉心事业，对感情事向来比较低调。日前她担任港台节目《旧日的足迹》嘉宾接受车淑梅访问时，就大方谈及廿多年前与张卫健分手的原因，原来也跟她的事业有关。宣萱忆述这段两年情为何会告终。

“其实时间上嘅一啲转变，佢系一个几传统嘅男士，佢嘅思想唔系几接受个女仔嘅事业好过佢。唔系唔啱嘅我觉得，咁佢系传统思想。我吔变咗慢慢会多咗啲拗撬，咁我又觉得边个事业好啲无咩所谓，我都有解释其实每个人都会跌返落嚟，就算我上到去某一个位，迟早有一日都会跌返落嚟，就算我挨到廿年，都未必挨到30年，每个人嘅事业都系咁会有起有跌。咁但系可能喺男人嘅角度佢会觉得男人事业好重要嘅，如果个女人叻过佢，佢会觉得唔开心嘅，即系会引发到其他啲问题出嚟。”

宣萱坦言已不记得当时是谁主动提出分手：“其实就系开始会多咗好多拗撬，慢慢衍生咗好多问题。如果大家可以开心继续梗系继续啦，咁但系你睇到大家开始会行咗唔同嘅路，思想各方面都变咗，无得勉强。”和健仔再见亦是朋友，所以她不介意重提往事，不过两人各有各方加上健仔长驻内地，两人已很多年没有见面。她也会留意对方的新闻，对方当日成家立室她也感到开心。

而宣萱亦大赞健仔这位旧爱非常勤力，和充满幽默感，令她十分欣赏。至于可会因为这段情而令她不敢再与圈中人拍拖，宣萱说：“分手一定有原因，我觉得每一次拍拖都系攞一啲经验，你就会知道边啲人啱，每一段关系都会对自己了解清楚啲嘅。啊，原来呢啲唔啱你，啊，原来咁样先系好啲嘅。系一步一步行，唔会系佢影响到我打后话觉得圈内人唔得喇，唔会咁样，唔关事。”热爱工作的她又表示即使将来结婚后也会继续工作。