寰亚优酷合拍网剧《蚀日风暴》 警匪追逐估卧底系点击保证
撰文： 李妍桦
出版：更新：
张智霖今日喺微博分享咗老婆袁咏仪探班嘅温馨合照，Chilam扁晒嘴咁话老婆居然探班唔系为咗自己，系为咗见泰国靓女变性人Poyd，原来Chilam嚟紧会同Poyd、台湾型男王阳明、薛凯琪 一齐拍剧，见到Chilam有同许绍雄合照，睇嚟今次套剧又会有欢喜哥。本身套剧就叫做《追捕》，后尾就改名做《蚀日风暴》，今次系梁家树第二次同爱奇艺合拍网剧，对上拍𠮶套系《无间道》，套剧Sell系“港味”警匪片，即系应该又系有卧底，一班警匪追逐枪战，然后又有黑警叛变，但收得人仔拍嘅剧肯定要Happy Ending，最后正义获胜。
+1
听讲个班底系《雷霆扫毒》、《潜行狙击》嘅班底，所以个剧名叫《蚀日风暴》一啲都唔意外！其实同类型嘅剧集好似《使徒行者2》咁，年尾先播完，如果下年又播差唔多款嘅警匪片，真系怕观众顶唔顺。除咗港剧剧名有Formula，好似XX风暴、XX狙击、XX先锋，其实“港味”题材都有Formula，警匪、黑社会、枪战、卧底、黑警、贪污、缉毒，基本上打著“港味”旗号都系离唔开呢几味，好似之前卖座合拍电影《寒战》、《毒战》、《窃听风云》都系讲呢啲，你问闷唔闷？其实桥唔怕旧，最紧要受，好似依家《使徒行者2》咁大家虽然把口就嫌，但口里说不身体却很诚实，无论题材拍到有几烂，依然系收视保证。
网上流传嘅剧集简介：
+4