Bob 请靓女大搞司仪生意：谂过上市做大间公司

近几年林盛斌（阿Bob）“捞到风生水起”已是人尽皆知的事，又开公司又买楼。知名程度，就算街市菜档“靓姐”唔记得佢叫咩名，都会认得佢个样。如果你有追踪这位“另类巨星”的facebook的话，应该不难发现他在facebook上分享了一位身穿泳衣的美女照。“自从签咗佢返嚟之后，已经有几位男同事好主动咁，要求调部门做艺人管理嘅工作...”连吴业坤（坤哥）也留言说：“我转行okay？”

其实相中人叫做Sarika Choy（蔡宛珊），样靓身才好之余其实更是中印混血司仪芾兼模特儿，还精通英语，广东话以及普通话。而Sarika更是Bob在2016年签约的旗下司仪之一。Bob接受《香港01》访问时说：“Sarika（蔡宛珊）系我第一个签返嚟嘅司仪。其实我识佢嘅时候系十几年前，佢做model我做DJ。𠮶阵我哋一齐拍咗个啤酒广告，佢又系第一次，我又系第一次拍电视广告。虽然中间我哋冇咩接触，纯粹系show入面或者公开场合见到。”原来他们之间是相识于微时，之但系点解阿Bob要签约Sarika（蔡宛珊）呢，又系另一个原因啦。

阿Bob至几年前人气急升之后，可谓是“接job接到停唔到手”，出show做司仪的价钱又接近6位数。正所谓“肥水不流别人田”，所以阿Bob亦都有意大搞。“Sarika其实只系我第一个签返嚟。迟啲都会打算签多几个唔同类型嘅司仪，例如有啲专讲普通话，又或者签多个男司仪返嚟。不过都希望等公司再多啲资源嘅时候再签多几个。”阿Bob更透露说：“未来方向我有谂过上市做大间公司。因为宜家公司成立3年几以来都做咗好多大小公司嘅设计制作。托赖生意都唔错，例如之前都帮一间国际性游轮公司设计佢哋公司嘅制服同logo。公司仲会拍客户拍下网片宣传咁。”

访问中阿Bob更大赞公司这位“新同事”Sarika。“其实之前已经试过同Sarika拍档过几次。发觉佢主持功力好好，够专业，经验又好够，执生能力亦都非常好。咁啱𠮶时公司想签多个司仪返嚟，所以我就揾佢一齐合作。签咗返嚟之后，公司同事又帮佢拍咗一啲教人讲英文嘅网片，其实口脾都唔错。签咗佢呢一年几佢又多咗好多生意工作。当然佢个样标致，身材又好啦，我谂好多网友都会钟意佢。”

但系，阿Bob赞到呢位“Bob 女郎”咁好，唔知林太会唔会呷醋呢？