谢霆锋15岁访问出土　早“认定”王菲作伴侣

缘份暝暝中将两个人拉近，相知相恋携手走人生路。谢霆锋同王菲2000年“世纪拖手”将恋情曝光，3年后分手各自嫁娶，十多年后再重燃爱火，当大家都赞叹缘份的奇妙时，一份1995年嘅杂志剪报重见天日，令大家惊觉原来霆锋早喺15岁时，已经认定王菲为理想对象，对比起缘份，更似励志剧情，霆锋努力追求自己所爱所想得到的结果。

微博有一位网友，上载一篇1995年出版嘅《明报周刊》访问，当年15岁嘅谢霆锋尚未正式入行，言谈间看似稚气未减，但22年后嘅今日睇番，访问中却句句似足预言，一一实现。当时记者问霆锋觉得自己靓唔靓仔：“我认为男仔不应用靓来形容，男仔最紧要有型。（你有型吗？）未够好。”又提到背负星二代头衔，自小为佢带来不少压力：“我希望将来人家不再说我是‘谢贤个仔’，而是称谢贤做‘谢霆锋嘅爹哋’。”今日睇番呢啲对话，全部都实现了。

最神奇嘅一点，当年仲未成年嘅霆锋，对已经站稳乐坛天后地位嘅王菲，默默种下爱嘅种子。记者问到霆锋喜欢嘅女仔类型，佢好肯定的话：“唔要长头发，短短地好睇。外貌不是最重要，当然不可以太丑，性格最紧要，我喜欢爽朗的女仔，最怕那些连叫杯饮品也犹豫不决的女仔。”记者举咗一个实例，当年代表两大类型嘅女神 --- 周慧敏同王菲，有得拣会拣边个做女朋友？“王菲。她衣著突出又有性格。”访问后一年霆锋正式入行，出道4年后就追到梦中情人，虽然曾经离合，缘份牵引下兜兜转转锋菲再次喺埋一齐，成就美满的结局。