【多图】林恺铃传签杜琪峰入娱乐圈　龚慈恩囡囡系最完美星二代

提起龚慈恩一众90、00后未必会知道佢系边个，佢系80年代喺大台专做气质美女嘅演员，当时大家都拎佢同赵雅芝比较，最有印象就系佢拍《西游记》做观音，𠮶阵神韵系佢先做到！可惜佢结咗婚之后已经淡出幕前，系最近因为囝囝囡囡开始大，佢先再出返嚟拍剧，依家套热播大陆剧《那年花开月正圆》佢都有份，系做孙俪嘅奶奶。龚慈恩出席活动时经常都会带埋囡囡林恺铃（Ashley），阿囡完全系遗传晒妈妈的完美基因，瓜子脸大眼睛，根本就成个模特儿，系仙气！有传佢已经签咗杜琪峰嘅经理人公司（银河海润），同刘德华一齐拍年尾上映嘅电影《热血合唱团》，真系好期待佢嘅演出。

Ashley虽然生得好成熟，成个Model咁，但其实佢真实年龄只有17岁，依家喺圣保罗男女中学读紧中六，虽然下年就公开试考大学，但妈妈龚慈恩都好支持囡囡课余时间去影下广告相。Ashley细细个已经入香港儿童合唱团，小学已经有玩朗诵队，课外活动仲会去学剑术、骑术同滑浪风帆，可以话文又得武又得。唔止啊！Ashley仲识拉中提琴、吹长笛、弹钢琴、声音、作曲，唔入娱乐圈真系晒咗佢，Ashley可以称得上系最完美嘅星二代！