李天翔同拍拖6年女友结婚　认字特警好感恩：好多嘢要靠老婆处理

“认字特警”李天翔今日正式签纸成为人夫，但他并没有铺张大搞婚礼，只是简单跟家人吃饭庆祝，相当低调，好兄弟郑世豪亦当然有份坐主家席。李天翔一脸幸福大晒手上的戒指，不是只有女生才爱炫耀婚戒吗？他说：“我真系好钟意戴戒指，只戒指我一个月前已经订咗，好靓好钟意，我唔会怕整唔见，当然做嘢可能会除，我会好好保管。”

李天翔跟太太相爱6年，之前一直都是同居的状态，在他心里就跟结了婚没两样，但身边朋友一个一个拉埋天窗，他察觉到身边的太太也有走进人生另一阶段的想法，他说：“女仔话唔想结婚就假嘅，我觉得6年都差唔多系时候喇，求婚之后感觉都唔系好大，到上律师楼预约签纸时我先觉得有唔同，离开之后我好开心可以同人哋介绍佢系我未婚妻，个感觉真系唔识点形容！”

“其实我未结婚已经有叫佢老婆，不过佢唔叫我老公之嘛，签咗纸之后嘅感觉好唔同，虽然之前已经系同居。”言谈之间李天翔不时紧握手中的戒指，他自言是个笨拙的人，生活琐碎事都靠老婆打理：“你咪睇我个样好似好精咁，其实我好蠢，好多嘢都要靠老婆处理。”

婚后李天翔并未有置业的打算，归因香港楼价连做艺人也负担不起，他叹气道：“边有钱，香港买楼咁贵，边畀得起首付，会唔会买楼要同老婆商量吓，我哋依家系租楼，但租都好贵。”在香港生小孩也得考虑荷包够不够厚，李天翔暂时未有这个打算：“我同太太都冇咩耐性，冇谂过生，暂时未啰，香港养小朋友好贵，要学好多嘢去补习，驶好多钱，好开心屋企人都冇畀压力我哋。”