麦家琪42岁高龄参加G-1格斗　同后生女打擂台 :每次拍完都摊喺度

上星期六TVB就做完亮灯仪式介绍今年即将推出的台庆节目，而VivTV今日下午亦举行节目巡礼，除了陈慧珊及陈国邦帮手拍摄节目之外，久未露面的麦家琪都有为新节目《G－1格斗会2》做宣传，身为节目最高龄参赛者的麦家琪就话，“但我心智最年轻嘛！”

今年已经42岁属3子女之母的麦家琪笑言，拍摄节目前特别同其他参赛者叮嘱，“千祈唔好打面呀！我每次打完之后乜都唔想理，因为妳出个d力系唔会预计到，我每次拍完之后就系屋企摊系度，要食返好多淀粉质，真系无晒力。”提到点解今次会参加节目，麦家琪表示，“自己都有玩开拳击，都几好玩。其实我本身唔太钟意比赛，但今次就觉得要挑战下自己。同埋节目幕后好多工作人员都系以前识于微时嘅朋友，而家变咗总导演，监制同高层，所以咪帮下手。”

而节目中另一名参赛者就是早前与旧公司解约的麦紫莉（Chili），现在变为自由身的Chili笑言，“系自由左，其实无左经理人系身边可以有好多野自己话事，唔需要俾人管住。”她指都有好多其他经理人公司向她招手，“过去嘅事有好多野要令我睇得好清楚先再做决定。”提到她比之前明显消瘦不少，Chili坦言非常开心，“至少少了15磅，但其实我唔敢度，都系食得清淡啲咁。”