【使徒行者2】袁伟豪唔做卧底行古惑？　两个原因令佢心态有转变

《使徒行者2》不经不觉已经播了一半，剧情亦开始进入直路，在上一集，卓Sir（苗侨伟）和梅姐（黄翠如）终于发现徐天堂（袁伟豪）原来都系卧底。不过去到最尾，就俾佢哋见到天堂喺黎Sir（张兆辉）坟前烧掉自己的警员委任证，他们十分惊讶天堂这个行为。其实卓Sir一直都信唔过天堂，所以先会偷偷地跟踪佢，从而发现佢呢个举动。

继续落会有小量剧透，逃生门在此。

咁究竟徐天堂系咪真系卧底变节呢？在今晚这一集中，佢两个就怀疑佢真系变咗节，因为天堂在乐少（周柏豪）面前杀死谭经理（汤俊明），所以他们踩上天堂屋企讲数。当然一个醒目仔就唔会咁易被人识穿，原来天堂杀谭经理只系一个假象，佢成功帮经理著草，之后仲拎本数薄出嚟，话自己做咗卧底之后一直都有记得收过嘅钱，证明自己无变节。

虽然天堂做卧底之后，日日都花天酒地，似足古惑仔，不过这些举动都只系掩饰他是卧底，而烧委任证相信都只是一时之气，因为佢原来已经不是第一次被警队遗弃。他在混入长兴之前，其实都已经做过卧底，仲成功拉埋人，返去做警察，可惜因为跟同事唔夹而离开警队，系黎Sir召唤佢继续做卧底，所以今次黎Sir死咗对佢打击都相当大。在之后他听到梅姐讲卓Sir和五个泰国卧底被炸死的故事，先明白到原来卓Sir系真心帮佢，所以就决定继续做卧底。