【台庆亮灯．多图】50周年个个都唔想失礼　高海宁最抢镜

一年一度的台庆亮灯今晚又嚟喇！适逢今年是TVB的50周年，一定搞得有声有色，除了请来同样入行50周年的汪明荃为大家献唱多首经典金曲之外，又会有一班演员为一堆台庆剧宣传，讲吓剧情大纲同人物关系，之后又有旅游、魔术等等的节目和游戏送俾大家。不过，几盛大的活动都好，都一定要有人撑场，所以TVB今次基本上都出动全台演员歌手，个个都执到靓晒先行入厂，以下我哋就睇吓一班艺人究竟以咩造型亮相喇！

全场最曯目都可以话系高海宁喇，低胸跌膊仲要露出条小蛮腰，即刻抢晒风头。在接受《香港01》访问时她表示近排有个同森美嘅旅游节目好好玩，仲玩森美大只到成40吋，自己都要认输呀！不过相信今晚佢一定系赢晒，同场嘅包括张曦雯、刘颖璇、麦明诗、黄心颖等等靓女全部都俾佢抢晒风头，事关佢哋嘅造型真系好出事，可能系因为要跟返佢哋要宣传嘅剧集，所以用返相关嘅戏服，但有啲真系好唔夹。

其他焦点就是三位应届港姐冠亚季军，三人同以低胸示人，一样抢尽风头，可能因为佢哋都仲未有剧要拍喇，所以无咗服装嘅规限，你见佢哋三个拣嘅衫都将自己嘅优点表露无遗就知喇！