【爸爸去哪儿】镇宇囝囝Feynman仔大十八变　唔见3年变咗轩轩

第五季《爸爸去哪儿》全城红播，当大家见到陈小春同Jasper互动的时候，望到小春呼呼喝喝Jasper，会唔会谂起第二季的吴镇宇和Feynman？前排吴镇宇带埋仔仔上大陆节目《大片起来嗨》，一登场就发现Feynman的靓仔样大不如前，身形发福不少，脸仔多咗少少肉，不过仍然保持到可爱的电眼。

大家仲记唔记得Feynman当年参加节目的时候，讲嘢比较少，通常用行动去表达自己的心情，系当季咁多个小孩中，个性较为突出的一个。佢凭着少言寡语，但成日做啲好温馨的事，惹来大班“姐姐粉”、“阿姨粉”怜爱，加上当季Feynman的外貌较为出众，更吸引到一班后生妹喜欢，绝对是星级宝宝。

当季的节目中，吴镇宇照顾Feynman的方法犹如小春对Jasper，都系一睇唔过眼就会话，例如见到Feynman行慢少少就闹，跌嘢又闹，但Feynman就冇Jasper咁大胆，唔敢反驳镇宇，所以Feynman通常一被佢闹就会爆喊，而镇宇亦冇好似小春对仔仔有态度的转变，全季节目都系以严父姿态示人，搞到Feynman由头到尾都好怕镇宇。

不过最近吴镇宇带埋Feynman上《大片起来嗨》，发现二人的关系已经大大缓和，Feynman由从以前很怕爸爸，不知不觉变成朋友，会用平等的方式交流。节目里见到Feynman虽然发福不少，外表有啲走样，但是性格就好咗好多，例如镇宇系节目度话：“自己咁靓仔，点解会生咗个唔似自己的仔仔？”但Feynman冇嬲之余，仲追住镇宇打全场，当镇宇问：“你知道我点解唔敢打你？”Feynman竟然话：“因为中国人不打中国人。”全程非常搞笑。虽然Feynman有啲走样，但是佢依旧灵动可爱，相信长大之后，只要努力运动，仍然是个小帅哥。