又硬销Big Big Channel？ 半小时6个单元好嘈呀﹗
今日就系一年一度人月两团圆嘅中秋节，TVB于迎月夜即系3号晚上，制作1个特备节目《big big channel失惊无神贺中秋》，正确来说应该是6个节目，因为半小时内云集数十位艺人同时拍摄6个单元。点解会咁？咪又系要宣传TVB最重视嘅big big channel啰。节目中提“big big channel”呢个名应该讲咗过百次，加上不停转来转去影唔同单元，几十个艺人七嘴八舌，网友都不禁话：“又乱又嘈，好晕呀﹗”
《Big Big Channel失惊无神贺中秋》节目中，除咗Ben Sir嘅《Ben Sir睇楼团》本身于翡翠台播出，冯盈盈嘅《＃后生仔倾吓偈》于J2台播出，其他4个单元都系Big Big Channel嘅环节：虾头、庄思敏等为“明星麻雀王大赛”终极决战热身、高海宁和汤洛雯则在“美女厨房”烹调美食，由Bob试食品评、黄美棋及蒋怡等女艺人接受“捽碟”考验。
好似每个单元都有D Mission，但实情系无结果架，因为要叫大家去Big Big Channel睇埋个ending呀吗……要喺不足30分钟节目内，做齐6个单元，不停穿插除开每part得4、5分钟，到底做到D乜呢？唔通今时今日仲会觉得，好多人好多声音就等于有节日气氛？
最令人诧异嘅系，居然揾来３位亚洲小姐出身嘅陈炜、袁洁仪、杨玉梅，开宗明义来个“亚姐妆速挑战赛”，虽然3位40+女艺人总算保养得宜，好勇敢地以素颜上阵挑战化妆，不过喺TVB见到一堆亚姐，Ben sir仲要讲“亚视永恒”，再接6号唱happy birthday to me，除咗系想继续食回忆呢条水，真系唔知可以点解读啦。虽则话集体回忆容易有回响，之前蒋嘉莹现身《流行经典50年》，唱亚视《我和僵尸有个约会》主题曲大家都好受落，不过好桥用得多好易物极必反引起来反弹㗎。