【Wanna One记者会】姜丹尼尔想做蜘蛛侠　朴志训梦想做王子

Wanna One 11子姜丹尼尔、朴志训、李大辉、尹智圣、金在奂、邕圣祐、朴佑镇、赖冠霖、NU'EST黄旼炫、 裴珍映和HOTSHOT河成云除咗表示嚟到香港好开心之外，黄旼炫表示：“会为等我哋好耐嘅Wannable（Wanna One粉丝名称）同埋《WANNA ONE 1st FAN MEETING IN HONG KONG》加场而努力，俾心机做好演出。”

摄影：张颖伦

（观看更多）

Wanna One姜丹尼尔赞香港夜景靓到吓一跳　尹智圣觉得好光荣

当主持人讲出听日（4号）就系中秋节，系韩港两地都系重大嘅节日时，Wanna One都摆出“哇，原来系咁”嘅样，队长尹智圣：“在特别日子同Wannable一齐过，明天一定会是特别的一日。”主办方为咗庆节，都准备咗传统月饼同冰皮月饼比Wanna One试食，一班为食嘅大男孩一见到有得食就表现得相当兴奋。基本上Wanna One都比较钟意食冰皮月饼，金在奂更尝试以广东话讲出“冰皮”，可惜即刻被一众成员耻笑。而姜丹尼尔试食后感为：“冰皮比较甜，好软身好滑，好好味。”

（观看更多）

【Wanna One袭港】赖冠霖亲民挥手　粉丝提前两日机场霸位

而当主持人问到Wanna One成员大𠮶咗有咩梦想？朴志训就回应：“细个𠮶时希望做可以保护公主嘅王子！”肉麻指数超高！而姜丹尼尔就话细个本来想做导演，之后转咗想做全世界最出名嘅B-Boy，依家就想做蜘蛛侠！不过姜丹尼尔就无讲点解，邕圣祐、李大辉同裴珍映就始终如一，梦想就系做idol！黄旼炫就最搞笑，话自己细个个时想做总统，不过大咗之后就发觉呢件并唔系易事，而自己又钟意音乐，所以就好想做歌手。最后尹智圣表示：“我地准备紧Repackage版，好快就会推出，大家要期待下啊！”

更多Wanna One记者会图片：

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/