【SEVENTEEN台湾演唱会】工作人员大爆料 主办乱掉CARAT礼物？
韩国自给自足大热男团SEVENTEEN寻日喺台湾开Show《2017 SEVENTEEN 1ST WORLD TOUR DIAMOND EDGE》，除咗同CARAT（SEVENTEEN粉丝名称）传情之外，体贴嘅SEVENTEEN都有准备大纸箱，一一收起CARAT对SEVENTEEN嘅爱心礼物同埋心意！
不过喺演唱会完咗无耐之后，就有类似工作人员喺网上大爆料，更以“追韩星的迷妹们醒醒吧”为题！Post内容大概指责台湾主办收咗CARAT精心为SEVENTEEN准备嘅礼物之后，发现CARAT辛辛苦苦整嘅卡片、花钱买嘅礼物都无好好咁送到去偶像嘅手中。又提到部分礼物被韩方工作人员开箱拎走，又话好糟蹋CARAT嘅一番心意，更系即时引嚟高度关注同埋热烈嘅讨论啦！
不过喺呢个Post出咗街接近2个钟之后，就有真．工作人员出嚟澄清，指礼物仲喺场馆，已经整理好会送返饭店，又讲到唔知早前发Post嘅人系有私怨定系专登挑拨CARAT同SEVENTEEN嘅感情，再附上当时现场照，以证自己讲嘅嘢句句属实，仲话主办准备对呢个“工作人员”提告添！最后台媒《联合报》都证实咗呢名“爆料工作人员”喺寻日活动上闯祸到被即时炒鱿嘅工读生，怀疑佢喺因为不满被炒鱿先会咁样“爆料”抹黑！不过之后呢名“爆料工作人员”已经Delete咗𠮶Post，仲另外开咗个post上传一张亲笔道歉文，澄清主办无错，“追韩星的迷妹们醒醒吧”只是他自己的不实图文言论，致上十二万分歉意，更承诺日后不再做出相同或类似行为。虽然人人都有言论自由，但恶意的人生或言语攻击影响到人的话，就不是正当行为，更需要为自己所做过的事负责任，所以大家都做任何之前都要好好三思啊！
更多SEVENTEEN图片
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/