朴叙俊香港见面会感动到喊　派福利重演《三流之路》撒娇片段

朴叙俊系一个好真诚、好可爱嘅演员！昨晚朴叙俊到港举行亚洲巡回粉丝见面会香港站，呢场见面会就认真精彩喇，因为同粉丝玩得好地地嘅朴叙俊，竟突然落下男儿泪！想知发生咩事？等记者慢慢话你哋知啦！

话说昨晚见面会上，朴叙俊同粉丝分享咗好多自己的小故事，当中他讲到早前上映的电影《青年警察》，戏入面饰演学警的他要超短发铲头上阵，不过朴叙俊就不以为意：“因为我系演员，所以乜都要试，冇问题！长头发都可以！”所谓时尚的完成无非是靠外貌，朴叙俊其实咩发型都好睇啦！朴叙俊又提到拍档姜河那：“同姜河那拍摄好有趣，佢好有礼貌，同佢一齐学到好多！”

（观看更多） 朴叙俊香港见面会被催生B　男神计划“这时”做爸爸！

除咗《青年警察》之外，朴叙俊仲讲到拍《三流之路》的趣事，大家记唔记得朴叙揽实笠住橙色外套嘅金智媛呢一幕？好心动系咪？但原来拍呢一幕时“东万”笑到收唔到声！朴叙俊解释话因为金智媛笠住外套之后，睇落去太似一只耳塞喇！又真系几似......oppa想像力会唔会太丰富？朴叙俊又讲到半裸上身唱Buzz名曲嘅一幕，原来当时剧本冇写明要唱咩歌，于是朴叙俊就拣了自己年代最红的乐队Buzz，仲特登唱到走晒音！
 

分享拍摄趣事又点够呢？朴叙俊这晚直情重演经典片段俾大家睇！事缘朴叙俊分享完之后，就同粉丝一齐玩游戏，展开桌球大战，输的话就要派福利俾粉丝，可惜上台嘅两位粉丝并唔系专业球手，甚至有位粉丝笃白波，引得朴叙俊全程爆笑！不过朴叙俊同样有姿势冇实际，疑似故意放水俾粉丝，最后被罚要背抱粉丝、自拍同撒娇！朴叙俊重演《三流之路》入面的撒娇情节，仲特登加入港女语气讲：“喂呀！”实在太可爱喇！

同粉丝玩完笃波，朴叙俊又亲自煮公仔面俾幸运粉丝即场食，男神就系男神，煮个公仔面面都chok过人，平时大家开公仔面包装都系用撕的方法吧？朴叙俊就唔同喇，捉住包装嘅两头，展示“力的表现”啪开公仔面，全场观众即刻“哗哗声”！似乎好开心见到粉丝咁好反应嘅朴叙俊话：“睇嚟第时去边都要带住几包！”还一连再啪开三包公仔面，仲边啪边用广东话打招呼：“大家好～”男神好有幽默感噃！煮完公仔面，主持麻利亚搞笑cue朴叙俊学TVB剧集，用广东话讲：“你肚唔肚饿呀？我煮个面你食吖！”估唔到朴叙俊又超级配合学住讲，如果睇港剧都见到oppa做戏，你话几开心呢！

（观看更多） [朴叙俊香港见面会]完美body的秘密　童年梦想唔系做男神真相是？

朴叙俊为大家准备如此精彩的见面会，粉丝当然亦有惊喜礼物回赠oppa，拍下心意短片送俾朴叙俊，拥有六旧腹肌超man嘅朴叙俊，估唔到睇完片段后感动到忍不住泪水，仲喊到哽咽，用纸巾边抺眼泪边多谢粉丝，睇嚟朴叙俊感受到粉丝的真心，场面真系好感动呀！最后朴叙俊与全场粉丝大合照，还encore献唱才结束这晚的见面会，粉丝离开时，朴叙俊还站在门口前与大家逐一击掌道别，咁有诚意嘅演员，系值得大家钟意嘅！

我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/