【老表，毕业喇！】丑女桥无限Loop　吕慧仪唔认丑：都冇假哨牙

《老表，毕业喇！》是老表系列的第三辑，顾名思义，是借办学尽抽香港教育制度水，但王祖蓝近年多在内地发展，所以未播前被网民质疑会否剧情离地，但播出至今最抢眼的不是祖蓝和郭晋安，而是唯利是图，将办学当做生意的阿Bob（林盛斌），而在剧中对她一片痴心的丑女D Chan，更是神来之笔，饰演该角的长脚蟹吕慧仪却否认自己丑，“只系冇化妆，同打扮朴素啲啫。”最紧要是丑女可以大翻身，之后吕慧仪会摇身一变成为索爆女强人。

无线剧集揾靓女扮丑，其实已经不是什么新鲜事，《踩过界》蔡思贝的刀疤癫姐，《迷》中的刘思希玩大牙肉，再远一点有《阿旺新传》中汤盈盈饰演的倒及牙李笑好，《火舞黄沙》周嘉怡的兔唇女。以这些经典丑女做对比，吕慧仪确是不算丑，但平荫头配上超厚眼镜，加上一身old school衣著，最攞命是迷恋阿Bob，一副花痴模样。搞咁多花臣，无非为《老表》制造话题，不过笑不笑得出就见仁见智。

剧中BabyJohn不断叫吕慧仪做婶婶，现时只得35岁的吕慧仪，却以大婶Look登场，她接受《香港01》访问，指自己在剧中只是一个唔注重打扮的助手，“叫我做呢啲角色，坦白讲我好welcome㗎，尝试多啲唔同嘅嘢，其实都冇所谓啦，依家又结咗婚，生咗小朋友，唔使成日都咁靓啦。（接受演丑女的角色？）之后我会因为遇上一啲事，会由唔注重打扮嘅助手，变返做女强人。”明白晒，原来之后丑女大翻身，颜值反差肯定又会成为网民热话，丑一阵都抵啦。

对于无线的剧集经常要花旦扮丑制造话题，廿年如一日无新桥，“咁我以前都确系有睇过嘅，但我未试过做呢啲角色啰。同埋我唔系专登整丑自己，纯粹系冇化妆，朴素啲啫，又冇假哨牙，大孖疮呢啲嘢。”不过讲到剧中最不合理的情节，相信是吕慧仪暗恋阿Bob，她也忍不住笑说：“剧里面我系唔觉得自己靓嘅角色，系一个好忠心嘅助手，又好欣赏阿Bob，佢系一个好有才华嘅人，钟意佢唔出奇嘅。”其实《老表》系列都系柴娃娃，胡胡闹闹又一集，观众又不用太过认真。