谢霆锋开talk讲发迹　董伯伯撑场讲足15分钟：想成功就学佢！

谢霆锋除了是歌星影星之外，近年也大搞佢自己嘅节目《十二道锋味》。今日（9月27日）更受邀出席科技展为他举办的“锋味人生”讲座，讲下佢嘅奋斗史，仲顺便宣传下佢新搞嘅创意平台“锋助人生”。哗！咁好嘅机会真系唔可以错过。

摄影：林迅景

讲座开头就当然讲下“想当年”啦！首先谢霆锋就说到“想当年”当录音拍戏时，用的都是菲林：“以前拍戏气氛非常之严谨，可能宜家就轻松啲。𠮶时差唔多$2.2一格，每秒起码100格。”所以遇着林超贤𠮶啲大导演都会好严肃，讲完拍戏成本后，霆锋就开始说到自己的发迹史。

霆锋开始搞电影后期公司，开设嘅原因是源于当年自己的MV，在香港找不到技术去做，所以需要外求。而霆锋就决心自己开设公司去学习这种技术，想当年他赚到首付之后，就把西环的楼宇做按揭去开公司。但是好景不常，3年之后正值是转型数码的时期。霆锋说：“当时所有买二手器材都用唔到，想当然就系蚀咗好多钱...之后辛苦咗8年DD（数字王国）就话好欣赏我嘅网络，想收购我间公司。”之后霆锋表示，想起了“引进先进技术的初衷”，才建立他的后期制作公司，所以最后就决定与DD合作。霆锋话：“两年之后参加《速度与激情7》（港译：狂野时速7）等嘅制作。”

讲到呢度系咪好感动呢？谢霆锋讲完开公司，仲“顺便”讲下自己在“饮食”上的抱负。更用英文说：“We have nothing，nothing is Chinese。That's a big problem，and it sucks。”之后才解释道：“我希望可以用‘锋味’嚟建立我哋自己嘅美食品牌。例如卖走地鸡嘅会有QR code。扫一扫就可以知道只鸡喺边度嚟，同埋佢嘅居住环境。”说到这里，全场仲拍晒手掌添！睇嚟大家对佢呢个意见都十分认同。

原来，前特首董建华都是“锋助人生”的协助人之一，今日亦有亲身来到现场。当谢霆锋介绍董伯伯时，更形容对方“尽心尽力”，帮手找资助。而董伯伯听完也说，“我听完（演讲）之后都好感动！”更盛赞霆锋：“霆锋系年靑人学习嘅好榜样，想成功就学佢。”哗！连董伯伯都开金口赞佢，今次一定掂啦！