【老表，毕业喇！】细细粒激吻BabyJohn：拍之前有清洁口腔

撰文： 邝钰莹
出版：更新：
就片段所见，细细粒未咀之前忍唔住笑咗，NG后，一嚟就手口并用，最后更一个翻身将BabyJohn压着。

细细粒（陈嘉佳）同林盛斌（Bob）早年喺《老表，你好hea！》上演一场重口味嘅激吻戏，相信唔少人至今都历历在目。嚟到《老表，毕业喇！》，又有细细粒，又有Bob，到底会唔会案件重演呢？早前访问细细粒时，佢就笑晒口咁话有场劲正嘅吻戏，而且对手仲要系BabyJohn（蔡瀚亿）！

试过同Bob激咀后，细细粒话以为王祖蓝唔会再安排吻戏俾佢，结果今次有小鲜肉BabyJohn。

剧集昨晚首播，细细粒虽然未登场，不过佢就好心急咁喺自己嘅微信朋友圈上载咗同BabyJohn嘅吻戏，片段中，只见身穿粉红色长裙细细粒平躺地上，BabyJohn在旁说罢：“公主，你做咩唔等埋我呀？”细细粒突然醒来，一手随即搭在BabyJohn颈后，再顺势把他推向自己，肉嘴遇上肉嘴，细细粒再送多个鲤鱼翻身，将BabyJohn压在自己的身驱之下……片段上载之后，不少朋友都纷纷赞好并恭喜细细粒，非常好笑。

细细粒于剧中名叫吕优，主力系扮靓，她更为此购置30多套衣服，非常认真。

对于呢场世纪之吻，细细粒透过电话接受访问时，就表示其实系佢于剧中的幻想一幕，并笑言林欣彤于剧中同样都系暗恋BabyJohn，但就连咀都无得掂。“之前拍kiss戏就紧张，今次则有少少尴尬，但BabyJohn同我讲之前喺《29+1》都有kiss过欣宜，咁先无咁紧张。”细细粒继说自己是个专业演员，所以拍摄前都有刷牙清洁口腔。问到BabyJohn会否是其心仪的类型，她突然带点感性表示：“我而家都唔系好知自己心仪边一类，只求呢个小宝宝卖得出。都32岁，系咪已经属于剩女行列？识到好，就当然好，识唔到，咪等下先啰，反正都无得强求。”

细细粒同林盛斌呢幕kiss戏，重口味到不能呼吸。