【今日睇真D】《解剖外星人》作假　余咏珊：当时用咗过百万买片

大家仲记唔记得多年前亚洲电视节目《今日睇真D》所播放的“解剖外星人”（Alien Autospy）片段？当年播出后曾经成为全城热话，更将亚视的收视推上历来的高峰。不过今日就有报道指拍摄《解剖外星人》的梅拉里斯（Spyros Melaris），竟然在一场栋笃笑上承认该片段中的外星人是假的，当时只在一个住宅单位内进行拍摄，更以购自肉档的牛羊内脏充当成是外星人的内脏，并且只在一个住宅单位内拍摄。他说：“对我而言，这（影片）只是一个笑话，有点好笑而我也上了一课。我想说事件中的很大部分事情都使我感到后悔，我低估了其他人的反应，现实是不少UFO社团都视这段影片为UFO及外星人的证据。”

哗，何止是梅拉里斯自己上了一课，相信亚视都一样，虽然亚视已经唔存在。当年余咏珊在亚视担任资讯科经理，就是她为亚视创作了《今日睇真D》这个节目，《香港01》记者就致电访问了她对解剖外星人片造假的睇法，她坦言未看过有关报道，当得知原来拍片人梅拉里斯亲口承认是假感到惊讶：“吓？当时好震撼，条片我哋直情系要揽住返屋企，好惊会唔见，好紧张㗎。我睇嘅时候都睇到好惊，唔系好敢睇。我信系真㗎，直至你依家讲畀我知之前𠮶刻我都仲信紧。当年条片系好秘密，我哋好辛苦，好艰难先揾到返嚟。（用咗几多钱买入？）唔记得exactly用咗几多钱，但都要十几万美金。”即是要港币逾百万，用过百万买条假片......

余咏珊强调自己一直信以为真：“成件事过程好严谨，我哋用咗几个月时间，联络同接洽咗好多，先买到条片，所以我唔会觉得系假嘅，咁难得到又咁贵㖞，我当系真㗎，而且罗兹威尔系一个发现有关外星人资讯重要嘅地方，我都信有外星人，呢个宇宙唔会只得地球人。当时买呢条片无谂过爆唔爆，净系据闻有条咁嘅片，我哋节目部就去揾卖家，花咗好多心机时间，千辛万苦先至揾到。”

咁究竟余咏珊又怎样去sell这条片给高层？原来买入这条片并非她的主意，她也是跟order办事的，幕后话事人是当年于亚视任职行政总裁的李宝安。余咏珊说：“唔使sell畀高层，系李宝安佢叫我哋去揾条片嘅，佢下咗命令，所以我哋先咁努力去揾。”而片段播出后亦令亚视的收视暴升：“我唔记得有几点收视，好似最高系有29、30点，系上过呢个数。”

至于花上过百万去买假片还被骗了这么多年，可会觉得自己被人揾笨了？余咏珊说：“呢个世界有好多嘢唔系讲真定假，我当系真咁去信，再去探讨下，当时都有存疑，但我会觉得多数系真嘅，咁咪同观众去睇下，真假都唔知，所以一齐去睇下，既然咁难都揾到又咁贵，咪畀观众睇下，再自行判断系真定假。我哋啲同事入面，10个有3、4个都觉得系真嘅，我自己都感觉系真。睇呢段片对香港人嚟讲系一个难忘嘅经历。我记得当年有个警察喺街见到我哋，话佢特登同同事调更嚟睇，以为得一集，点知原来播成个礼拜，闹鬼我哋话拆开晒嚟播，搞到佢无得睇。