【Apink演唱会】宝美跳《My My》跌亲　恩地：我会挂住你哋

撰文： 沈洛嘉
出版：更新：

《2017 Apink Asia Tour [Pink UP] in Hong Kong》昨晚已经完满结束，多次来港嘅Apink 6位成员初珑、恩地、宝美、娜恩、南珠和夏荣，成晚不停大晒广东话！冧死香港Panda（Apink粉丝）！

Apink自爆其实佢哋好钟意香港，成日都好想嚟。上一次亚巡以香港作为尾站，今次亚巡就以香港作为海外首站开始巡演，证明佢哋好锡香港Panda。而初珑仲自爆早前秘密旅行，其实系佢同朋友嘅首次海外旅行，就系嚟咗香港喇！

Apink话这次来港就会用今日定下嘅新修饰语做自我介绍。

Apink成日嚟香港同香港Panda见面，梗系唔少得学埋广东话冧香港Panda啦！识做嘅宝美又话净讲“多谢”唔够，Apink仲一齐用广东话讲：“我爱你哋！”而听到Panda震撼嘅欢呼声，Apink表示真系好值得一年嚟两次啊！

讲到Apink近况时，初珑就同VIXX成员赫拍紧网络电视剧，初珑表示：“好耐冇拍戏，觉得紧张同有啲惊。而且隔左好耐先拍戏，所以我都好努力咁准备，套剧叫做《Romance特别法》，10月中就会开始播，大家记得要支持啊！”而宝美都有拍剧，仲话个角色系做返佢自己。恩地同样都有拍剧，角色仲要系做富川嘅检察官，又讲到：“虽然今次出演嘅剧集比较沉重，又要查案，但我就唔系个好阴沉嘅既角色嚟嘅，其中介绍自己系检察官个时都好型㗎！

Apink因为粉丝准备嘅惊喜影片都感谢落泪。

当Apink回归初心跳《My My》时，未知宝美系咪太激动，唔小心跌亲，唱完个阵恩地仲笑佢话佢啱先好足球嘅守门员。不过爱锡队员嘅恩地就同Panda讲：“如果你地头先有影到宝美跌低嘅相嘅话，就......唔好上载喇...因为呢啲相会对宝美造成苦痛。”

去到Encore时，Apink突袭出现系台下，同Panda近距离接触，恩地仲话你哋估唔到我哋会系𠮶到出现呢？Apink又继续大晒广东话赞Panda“你哋好劲，我会挂住你哋！下次再见，多谢！

因为娜恩（左）之前去左纽约Fashion week，Apink全员表演Catwalk。
+6

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

【Apink香港演唱会】粉丝等足一个钟都未开场　初珑做代表道歉【01独家】Apink袭香港普美带超行头恩地挥手　Panda秩序满分！《偶像学校》卢智善凭跳Apink暂夺第一　金娜妍见GFRIEND即泪崩？《偶像学校》NATTY李彩瑛吃火锅不怕肥?　Apink南珠GFRIEND现身撑《偶像学校》Apink、TWICE、GFRIEND助阵教路　仅剩2次考试就出道[池珍熙到香港]闵大人预告10月新剧拍金南珠好性感　不是Apink吧?