[Apink专访]初珑香港冇食填鸭好失望 娜恩同PSY跳New Face劲紧张
韩国女团Apink 6位成员初珑、恩地、宝美、娜恩、南珠和夏荣自2月之后，上星期六（9月23日）再度来香港开show，一年可以见到Apink两次绝对系香港Panda（Apink粉丝）嘅福份，而《香港01》当然把握机会找来Apink进行专访为香港Panda讲吓心底话！Panda们都知道Apink来到香港之后几乎冇休息，马不停蹄接受访问，幸好一听到我哋提起香港Panda即时精力十足，十分疼爱粉丝呢！
摄影：江智骞 主办：德硕文化 场地提供：美丽华酒店
由2013、2015年的MAMA颁奖礼，到今年2月的《Pink Aurora》Asia Tour，Apink已经来过香港多次，当问到Apink在香港有冇咩好想做但仲未做到时，恩地就表示：“虽然我哋去过好多国家，但成日都因为要跑行程，好多时都感受唔到当地出名嘅嘢，觉得好可惜！”而队长初珑早前就同朋友秘密来香港旅游，佢自爆：“当时有搭过地铁同缆车，觉得好有趣！而且更有同朋友特登去揾食，我就负责跟住佢哋。最有印象系香港好多嘢食都好好味，好似冇唔好味嘅食物！”初珑又讲到本身想去食北京填鸭，但之后发现原来要提早成个月预约，今次再来香港都系冇得食，希望Apink下次来香港之前记得book定位，又或者揾香港Panda帮手，就一定有好嘢食啦！
Apink再接死亡恐吓照comeback 队长初珑：抱歉让大家担心
有留意Apink新闻嘅Kpop迷，都可能听过在韩国读高中3年级的Panda，如果去Apink fan meeting嘅话都会俾恩地轻打一下，恩地就解释：“事源一次有位高3 Panda去咗我哋fan meeting，佢就话我系高3学生就嚟要参加高考，不过宜家竟然嚟咗见Apink，姐姐不如你打我一下，等我打起精神好好读书啦！就咁开始，高3嘅Panda嚟见面嘅时候，都会叫我打佢哋一下！”不过恩地又提到令佢最开心系，有啲俾佢打嘅Panda本身成绩麻麻，打完之后就俾心机读书，更考到全校第2名，仲去到自己想去嘅大学，令Apink都感到好满足！
通常韩国艺人来香港都会讲起澳门，而Apink的娜恩早前同大前辈PSY就去澳门拍咗《New Face》的MV，娜恩表示：“因为PSY本来就系大前辈，第一次见到PSY时都好紧张，在练习和拍摄时因而很努力，幸好感到PSY前辈很随和，其实只系我自己在紧张！”而讲到PSY《New Face》的舞蹈原来也不容易，娜恩就表示：“《New Face》的舞蹈要用尽全身力量来跳，而且PSY前辈跳的舞一向都很有活力，所以我也十分努力！”
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/