【使徒行者2】主角级演员都冇面俾 只得一集戏全部炸死晒？
撰文： 郭敏玲
出版：更新：
《同盟》告终，《使徒行者2》紧随接棒，开展了长达几个月的50周年台庆剧档期。《使2》今晚先出街，网民就已经开定post“竞猜谁是卧底”，就同《同盟》估边个系final boss有异曲同工之妙。不过《使2》的制作劲咁多，监制、编审都话剧集直逼电影级，所以阵容方面都好似劲几倍。
下文含剧透慎入 :
讲到明劲几倍，除了主角苗侨伟、宣萱、陈豪等大粒嘢之外，得一集戏份的演员其实都几劲㗎。就好似洪永城同古明华，佢哋分别做过男主角，又拎埋最佳男配角。在剧中有几个拍档，有第一次拍剧的连诗雅，新一代小生花旦杨潮凯及何雁诗。这个配搭都可以话系主角级数，横睇点睇都唔会一集就收工。点知真系！喺三哥面前，一样冇得留低，第一集在泰国曼谷拎走黑帮头目黄德斌的犯罪证据后，三哥满心欢喜香港警方报喜时，突然有场大爆炸。除了三哥，其他“主角”全军覆没！真系快到冇朋友。于是者，三哥被停职接受调查，故事就系咁开始。