【踩过界】朱千雪累积EU感情　亲手写Yanice情深独白：增加凄美感

无线剧集《踩过界》今晚就播出大结局，剧中由王浩信饰演的文伸侠 (盲侠) 与朱千信饰演的戴天恩 (Yanice) 的爱情故事相信凄美，虽然千雪BB今次只是容串演出，但就很抢镜。Yanice于上集死后至今一星期，网民依然好怀念她，尤其是她死后的一段深情独白，未能在生前对盲侠说：“12年前我离开你，并唔代表我唔爱你，只系因为我留低会对你造成更大嘅伤害。我地嘅爱情虽然短暂，不过如果可以再拣多次，我依然会选择去爱你。阿侠呀，对唔住呀，过去我无及时咁样去爱爱锡你，对唔住呀。呢一刻我好想再次揽实你，喺你耳边详细咁同你讲，我有几爱你。”真的听到不少观众眼湿湿呀。

原来这段独白是出自千雪BB的手笔，她早前开live时就表示是她自己写的。看来千雪BB不单止英文叻，中文都几好文采㖞。亦有网民就话这段真情剖白似是在回应《EU超时任务》王浩信饰演的渠头对她饰演的粪箕笠所说的一段话：“对唔住呀，过去我无及时尽情咁去痛锡你...”大家都是讲未能及时好好去爱惜对方，留下了最深的遗憾，好惨呀。香港01记者就访问了千雪BB讲返她当时是怎样去构思这段如此感人的独白，以及到底是否真的在回应返EU呢？

千雪BB表示：“系呀，系我自己写，系导演话我知想揾一段嘢讲Yanice要死喇，想我死𠮶一刻，放返类似系我无机会讲嘅说话，畀观众同盲侠听，我就谂同浩信呢两套剧嘅角色同经历，会系作一句或者作一段咩出嚟？咁就问咗自己同啲幕后嘅同事意见，因为我中文唔好，最尾导演同监制都有执少少嘅，但系我最初系由自己个角色出发去谂。又唔好话我自己写晒，我相信佢地系有改过我啲文法嘅，但系个意思系由我呢边出发。”

她又承认剧本并没有这一幕，是后来才应导演要求加上去的：“剧本从来系无呢段㗎，剧本净系讲我死咗，后来剪接时就觉得唔想我就咁死，就会想死咗后有啲咩讲。因为timing唔啱，盲侠可能早5分钟或者我迟10分钟去，就可能系无呢样嘢，成个过程无论系EU定系踩过界我地个theme都系时间唔啱啰，即系bad timing，好喇，咁发生左咁多嘢系咪其实真系bad timing呢？其实唔系嘅，因为Yanice从来都系一路咁去爱盲侠嘅，或者系一路以嚟虽然可能似bad timing，爸爸唔钟意，但其实我系无真系离开过你嘅，咁呢啲就要系喺𠮶个时候讲返出嚟啰。如果唔系导演叫我谂，我系无谂过可以咁样用呢一啲嘢去增加𠮶个凄美感嘅。”

最后，问到千雪BB对于网民话她似是回应返EU，她说：“其实当然主要系Yanice同盲侠嘅感情线，但我亦都相信监制同导演同埋编剧写嘅时候，写Yanice同盲侠都系因为有EU𠮶两个角色嘅存在，咁所以其实无论点都好，好难所谓撇得甩嘅，但系就唔系特别回应任何嘢，我觉得喺我心目中成件事系连贯啰，即系连住落去咁样，就所有嘢都系加埋呀，累积呀咁样去做。”原来千雪BB心底里都想延续源自EU她与王浩信两个角色的爱情，可惜来到《踩过界》依然未能开花结果，难怪有网民表示好期待两人第三次合作做情侣会有圆满结局。