【使徒行者2】古明华11月离巢唔做“亲生仔”：仲有几个月俾我谂

《使徒行者2》今晚隆重首播，除了有卓Sir苗侨伟、仲有“3豪”陈豪、袁伟豪、周柏豪，其中饰演有卓Sir旗下卧底嘅古明华(古佬)亦是去年不幸染上传染病后首部复出拍摄嘅剧集，近日就有报导指古明华将唔再做TVB“亲生仔”（即经理人合约），变成艺员合约。古明华接受《香港01》电话访问时就表示，“考虑紧之后系要用咩形式合作，仲有几个月谂，暂时都未定！”

有不少观众都认为，古佬自从五年前凭电视剧《巴不得妈妈》“苏基”一角赢得台庆颁奖礼后“最佳男配角”奖，作品似乎比以前少，不少观众都替他可惜。但古佬就有另一个睇法，“我又唔觉得少咗作品，虽然量系少但质素好好。例如我做嘅角色系重要左，一年就唔可以好多部剧。相反我之前如果做嘅角色唔太重要，可能一年拍10-15部都唔出奇，而家我就一年拍3-4部咁。(系TVB近年算唔算挨得好辛苦？)好难讲话辛唔辛苦，有时你挨得开心又唔觉得辛苦。反而开唔开心紧要啲，开心嘅时候你会觉得唔辛苦，唔开心就算做几轻松嘅工作都觉得辛苦，就系咁样。”但究竟当中发生了咩唔开心事时，古佬就未有透露。

提到近年有不少原本在TVB拍戏嘅演员都转到内地发展，据知古佬前几年亦有好多登台外快，收入亦相当不错。古明华就话唔会因为见到其他人内地多工作就跟住北上，“究竟会唔会返大陆工作都未决定，边度有工作就去边度。”但古佬五年前赢得“最佳男配角”奖后，TVB就将其合约变成经理人合约，而登台工作当然要经TVB批准，多了掣肘之余首当其冲当然系收入相比以前无咁多。问到随着囡囡今年即将升大学，负担应该减轻了不少，但他直言支出仍有好多，“佢都有返Freelance，虽然系大咗但又未嫁洗费都多，要整头发整面都要钱，啲钱都系我嘅，所以洗嘅钱会多啲。”