【贱民20】吴海昕摆性感甫士吓到小狗狂吠 “佢妒忌我靓过佢”
撰文： 邝钰莹
出版：更新：
吴海昕（Sofiee）于Viu Tv剧集《贱民20》饰演自甘堕落女生，早前拍摄时，导演临时要求她色诱甘草演员莫伟文，Sofiee笑言摆post驾轻就熟：“其实都系要我搞笑为主，不过导演话要S、蛇腰嘅姿势，我都唔敢食宵夜，费事拍个阵要缩肚！”
之后，王宗尧和吴海昕要与狗女做对手戏，由于片场人数众多，初期令小狗紧张狂吠，吓到吴海昕花容失色：“我本身系好惊狗，佢一吠我脚都颤晒！呢只狗仔系人都吠，不过就有唔同含意，吠我呢就系妒忌我靓过佢，吠王宗尧就系拒绝佢，Greg终于有异性会请佢食柠檬啦！”
神级命水嘅王宗尧，对于被请食柠檬一事显得无所谓，不过，就令他就想起同爱猫相处之道：“那次见猫猫扑向四脚蛇，我梗系抱起佢阻止啦，点知就咁被佢抓到只手伤晒！其实同小动物相处真系要耐性，好似今晚同狗仔做对手戏，你要慢慢氹佢先得，如果唔系NG就大家辛苦！”