澳门小姐麦嘉欣够主动：激嬲男友我会氹返佢

上个星期日被网友疯狂滚动式洗版嘅2017年国际小姐嘅澳门代表麦嘉欣(Sofia paiva），今日就特别到香港与港区代表王咏珩（Wing）一齐接受《香港01》专访，提到Sofia与艺人男友沈柏彤经常在Instagram放闪，样靓又后生被指系完美女友嘅Sofia，现场所见真系一位名符其实嘅“又pure又true”嘅女仔，“我系爱情中入面系开心果，我好钟意笑仲好容易笑到收唔到声，就算佢好静𠮶阵我都系旁边烦下佢咁。”摄影：黄国立场地：Kiz Royal

讲到经常在Instagram与男友沈柏彤上载放闪照，Sofia闻言后笑说，“其实放咩相都系顺其自然，因为近期工作都比较多，我都有放返工作嘅相！”提到男友，麦嘉欣(Sofia)嘅面上即刻露出好sweet嘅表情，究竟系点样先可以同咁完美嘅女友拍拖呢？Sofia透露因为哥哥嘅关系而认识男友，“因为哥哥同佢一齐参加歌唱比赛，我都有去支持哥哥，所以咁就认识。”

与男友沈柏彤拍拖一年嘅Sofia透露与对方都好少嗌交，“当然有些时候佢可能会好迟覆我msg，我会有啲埋怨会烦下佢咁，但佢都OK嘅。但有时真系激动嬲佢嘅话，我会整D得意同搞笑嘅表情黎氹佢开心！”咁到底Sofia真正理想型男友系点呢？她说，“我钟意有上进心同责任心嘅男仔，sweet得黎但只能够系对住我，唔系对所有女仔都sweet。我觉得最重要系个人要够定，唔好玩玩下咁。”咁系咪认定对方系结婚对象？Sofia笑言，“我都仲好后生架嘛，顺其自然喇。”

相信唔少女仔小时候都曾经幻想过长大后参加选美，Sofia会参加选美嘅原因有部分系受同样曾参加过选美比赛妈咪同姑姐嘅影响，“佢有同我讲过训练经历系会好开心，daddy都想我参加嘅话可以试下唔同嘅嘢，出去见识下。但佢地知道我份人好细胆，所以都无话特别要我去参加选美比赛。我最想多谢我哥哥，因为今次系佢帮我踏出呢一步同屋企人讲：（不如俾佢参加下喇!）。”Sofia咁讲都算系出自选美世家，当然要亲身俾tips喇，“佢地有教我点样谈吐方面，点样答问题都有提点我。”她透露觉得自己参加比赛后，最大转变就系够淡定，“以前我𠮶人真系好慌，好容易就会话点算呢，点算呢。𠮶d惊系会搞到你更加唔好。但而家𠮶人就会比较镇定啲，虽然都系有啲慌。”

现于圣若瑟大学修读心理学二年级嘅Sofia，她透露身边嘅同学都好支持自己参选，“佢地真系好好全部都对我好好，无咩负面嘅评论。反而会串下我，‘你出名喇，无朋友做喇！’但我地依然系好朋友同同学仔。”其后她亦透露当初选择心理学嘅原因，“小时候认识嘅职业都系医生，护士，空姐呀咁。我尤其是觉得做护士好好，又可以帮到人。但大𠮶之后先知做护士好难，同埋我有啲惊。所以先会拣另一个可以帮到人嘅职业，就系读心理学。”咁怕唔怕将来嘅发展会兼顾唔到学业？Sofia指，“一定会比之前辛苦嘅，同埋我𠮶科都算系较吃力，虽然无话唔得嘅，可能之后连食饭时间都要睇下书咁。”

仲有2个月，Sofia就要到日本东京代表澳门参加国际小姐，佢就话好怕抵抗唔到日本嘅美食， Sofia笑言知道自己有baby fat，去到日本一定忍口会努力keep fit，“因为我好钟意食嘢，以前系可以日日都食雪糕，而家就会‘嗯，得喇唔洗喇。’同埋见到其他地区嘅佳丽都食少少，自己见到都会食少啲。”