八爷钦点拍《张天志》　何远东打到周身伤：靠云南白药止痛　　　

成日听见怪兽家长话要“赢在起跑线”，先天条件加后天培养，之后条路就一定顺风顺水，若然只是如此简单，无线艺人何远东，早应放弃了演艺这一条路，皆因他自小已经是肥仔，入到电视台要争做主角，可说根本无可能，但当大部分肥仔都不敢胡思乱想，他却读演艺、入无线做演员，不但等到了《心理追凶》中弑母肥仔的角色，让他一夜爆红被网上洗版谈论，近日又进军影坛，拍摄叶问电影系列中的《张天志》，要跟张晋对打过招，全靠他是一名有演技的肥仔。

说何远东肥绝对没有半点贬义成份，皆因这个确是他的商标特征，八爷袁和平开拍《张天志》，要找一个肥仔的小流氓角色，助导就想起了他，何远东接受《香港01》访问表示，“佢哋开呢出戏嘅时候，个角色要求系要肥仔，要系香港人，唔识打都唔紧要，但一定要做到戏嘅。助导就揾到我，推荐咗我上去俾导演拣，佢哋揾咗我以前嘅剧《枭雄》呀，因为都系拍返民初，旧底香港啲嘢，当然《心理追凶》嘅片都有，俾监制导演睇下，其实初时佢哋见都冇见过我架，又唔需要试戏，就俾咗个机会我。”

何远东笑言始终拍电影，比起无线薪酬当然有很大分别，但钱还是其次，有机会涉足影坛，导演还要是在荷里活也赫赫有名的袁和平，所以他拍摄时可用博晒命来形容，“一般有十组八组戏都算多啦，我依家有三十几组戏，足足在佛山拍咗3个月，好多人听到都叫我好好把握呢个机会。但我其实惊到飞起，尤其是拍打戏，好多场都冇得垫嘢，因为服装嘅限制，只能用现有脂肪去顶住人哋啲拳脚，有几场戏仲系真打，总之打得好真嘅，系同内地演员，有啲位真系避无可避，对打嘅场面八爷要求好高嘅，大家都尽量去做，当见到嘉颖都真打嘅时候，你都唔会揸流摊啰。”

“试过成个肚腩瘀晒啰！(冇人知你受伤？)武指会知嘅，佢哋送咗支云南白药俾我，冇伤及内脏嘅，都系唔觉意啫，大家都想逼真，只系拍嘅时候唔觉，瞓醒先知好痛。冇办法，好想系八爷面前打得好啲，好想做好件事，拍十日、八日戏剪出嚟得几分钟，所以梗系想做好每一个镜头。

“坦白讲我同张晋第一次合作，系片场见到佢我系好惊嘅，佢冇乜表情，好cool嘅，但识落佢原来好风趣，见我做错咗，佢会讲哎呀你仲乜咁快避呀，我都未打到你。你知啦拍嘅时候大家都好认真，个样又好凶狠，但一cut机大家又系忍唔住笑，呢个系我估唔到嘅，佢系国际巨星，我只系地区性小星星。”

虽然拍打戏辛苦，但何远东直言终于体验到内地制作对艺人的尊重，而且有不少福利，单是以三餐来说已经非常讲究，“我个剧组里面，的确系招呼周到。例如会问我想食乜嘢，因为早午晚餐都可以点𩠌嘅，我哋可以每人拣四个𩠌，但我为咗连戏要keep住体重，电影好高要求架嘛，同埋要拍打戏要郁，所以我食菜唔准落油，唔食饭要食饺子，有时又要番茄炒蛋，或者炒多味瓜俾我食。仲有一样估佢唔到，就系拍外景都有冷气。(露天都有冷气？)系呀，佢哋会抽条冷气管出嚟，就算露天地方都可以凉到。”

无线的小生花旦，有机会也纷纷向外闯，现时何远东开始进军大银幕，又会否北望神州呢？“开始谂拍多啲电影，《心理追凶》之后，真系多咗人揾我，除咗《张天志》，仲有叶念琛嘅戏，佢成日都话我难度期，今次终于拍咗佢嘅贺岁片《我的情敌女婿》。(现时好多合拍片，会将基地移向内地吗？)咁又唔会，中港两边走啰，又同TVB续咗约(部头约)，要度啱时间拍啰，都系多线发展。”近日在萤幕前确是少见了何远东，但10月尾的《降魔的》，他会再有突破演出，大家拭目以待啦。