【忽然少女心】KB亚马逊遇粉红河豚：世界好似变咗天堂

Kevin Boy（KB）同火火远赴南美拍摄ViuTV新节目《真PK Trip》，挑战神秘国度亚马逊森林，同鳄鱼、蛇王、食人鱼为伴，又亲尝打藤、大蚁蛰咬等等，总之集集新鲜集集甘，有时真系睇到隔着个mon都吓到个心离一离！而即将播出一集，又有正嘢，就系同极罕见嘅粉红色河豚（The Amazon Dolphin）作近距离接触。

粉红河豚只分布于亚马逊流域，由于经常被捕杀，所以已面临绝种危机。KB同火火随节目去到亚马逊森林，一心以为又要同鳄鱼、蛇王困兽斗，结果粉红色河豚出现于眼前，向来man到爆嘅火火即时露出童真一面，更不停出手摸粉红色河豚，而KB接受电话访问时，似乎仲系好兴奋：“落海一刻真系都好惊，因为最怕就系俾人幪眼，咩都睇唔到个人会极度恐慌，听到有嘢fing到啲水个心离一离，到摸到其实都惊，但真系见到一瞬间，我个世界好似变咗天堂咁，因为咁大个仔都未试同海豚一齐游水，仲要喺亚马逊，绝对系我人生一个好重要嘅回忆。”真男人都变了美少女，河豚的魅力叫人只可以写一个字：服。