【同盟】绿叶王罗乐林踩四剧唔使休息：有得落九龙城行吓就好开心

《香港01》率先披露超级绿叶好戏王罗乐王原来为了拍剧，竟然四日无瞓过，事关那段时期他同时接拍了四部剧集，分别是《踩过界》、《天命》、《同盟》和《爱．回家之开心速递》。这段经历一说出口，立即引爆不少网民的同理心，纷纷觉得TVB这样对一个已经68岁的老人家太苛刻，虽然罗乐林十分专业，但都应该照顾老仔家身体。

今日(5日)罗乐林再次接受《香港01》访问时说：“做得电视一定系咁㗎喇，你预咗，我谂呢样嘢系我嘅心理质素，我一系唔接，一接就要做到好尽，全行都知我呢样嘢，除非真系病到要睇医生或者有咩大件事，如果唔系我都会继续。因为我有一个心理预备就系做得呢行，我接得就要做，因为始终都要拍完㗎嘛，接得我就唔会呻。当然我都希望公司可以安排好啲，其实有唔少人好似我咁嘅年纪或者仲大啲，如果能够安排时间好啲，等佢哋唔使咁夜就最好喇。当然我都知我有时制作方面系好难去就，我哋演员都会明白。而家我都keep住拍剧，不过公司应该都唔会要求我再叠（剧接剧）得咁紧要喇，而家我拍紧《爱·回家之开心速递》同《跳跃生命线》，两套都系时装剧，无咁辛苦。”讲真，就算一个演员任劳任怨，作为一间公司都应该为他安排合理的工作时间，咁先系人道，难道TVB已经无人材到这个地步？

返工已经辛苦，原来返到屋企罗乐林会用煮饭去放松自己，而且原来全家人只有他会煮饭，如果他开工无时间，屋企就无饭食，他说：“我咁多年屋企就算连工人都系我煮饭俾佢食，如果我要开工佢哋就要食饭盒喇。我煮饭煮咗四十几五十年，买菜又系咁多年，呢样嘢变咗我嘅兴趣同运动。你谂吓厨房喺呢个天气之下系几咁热，我个囡有时都会问我点解唔开冷气，我话我唔钟意，因为我想出汗，其实做嘢之余你都可以当系运动嘅一部分。（会唔会学鼎爷做饮食节目？）唔得喇，鼎爷𠮶啲佢真系识得啲上得台嘅食谱，我真系唔得。我行街市𠮶阵都唔少人叫我学吓鼎爷，我知我唔得，我剩系煮家庭小菜。同埋我煮饭系好烦架，我煮三四个菜可以整成个晏昼，因为我洗菜会逐叶洗，要摆到整整齐齐，虽然炒𠮶阵都系炒埋一叠，如果我拎呢样嘢嚟揾食，我一定揾唔到食。”

讲开返工，罗乐林原来已经好耐无放过假，不过个个放假，唔通个个都想放假咩，他表示：“讲真喇，电视行业永远都系咁，有一排你好会忙，剧接剧咁拍。但当完咗一部剧，另一部剧又未开始嘅时候，你可能都有时间可以抖下，都唔需要刻意去放假。当然我啲囡都成日叫我去吓旅行，放松吓，但唔知点解我系唔想离开香港，只要有时间俾我去九龙城行吓，买吓菜，夜晚出去同啲人饮吓嘢，我就好够架喇。”唔知以后大家行过九龙城，会唔会专登望吓见唔见佢呢？