【同盟】无线海报又自爆终极大佬？　疑似Boss话：总之唔讲得啦！

《同盟》下星期三大结局，追开的观众，应该估紧边个系终极大佬Rainman，其实都不用估，因为无线担心大家估不到，所以一早在宣传海报透露，在《同盟》第一轮宣传上其中一张海报上，见到一个人摆了一个只手遮天的姿势，虽然整个都是黑影，但不少网友单凭黑影轮廓已估到边个，因为觉得黑影人块面好肥，面形和林子善有九成相像，所以网友们都几肯定林子善是Rainman，而林子善接受《香港01》时说：“er........监制话狗咬都唔可以讲呀，对唔住，大家继续睇咪知啰，（网友话个黑影系你）我几时有影个张咁嘅相呀？哈哈，（面型好似你㖞）系咩？唔会呀，总之唔讲得啦。”

剧集有神秘感，让观众估下有追看性是好事，但无线宣传部，永远都自我剧透，好像上年《城寨英雄》开播初期，没有人想到欧瑞伟饰演的杨竹銮是final boss，但官网竟然流出欧瑞伟被拳佬、牙佬的夹击的发相，真系唔该哂，虽然《同盟》海报剧透了疑似林子善是终极大佬，昨日一众演员亦出席“谁是final boss”活动，林子善、张国强、梁舜燕、罗乐林、江美仪、欧瑞伟，都一字排开坐在台上，林子善真系呼之欲出，不过剧评人游大东就话终极大佬，另有其人，不是林子善，哗！大家拭目以待喇。

林子善是不是final boss，就好快知，不过他为了演好这个角色，下了不少苦功，他说：“原本呢个角色唔系我做，但监制揾我，我真系好多谢佢，因为我以前啲角色，大家都见过哂㗎喇，我自己都想突破，呢个角色我以前未做过，好复杂，奸得嚟好深沉，嗱！我冇讲我系final boss呀，但我为咗做好奸角，就算套剧冇我场口，如果我知有郭锋、郑子诚拍，我都会留低喺厂偷师，就算有其他前辈做戏，我好多时都留低睇下，睇下人点做，咁先可以进步啰。”嗱！呢啲咪有heart啰，雄爷你系得嘅！