【踩过界】罗乐林唔会谂争奖：有人记得我已经好开心

在早两日的《踩过界》当中，饰演盲侠的王浩信与爸爸（罗乐林饰）的亲情线引爆不少观众的泪腺，在剧中饰演患有渐冻人症角色的罗乐林更加被网民大赞演技超班，完全呈现出该病人的痛苦，更加力捧他做今年的视帝。《香港01》访问罗乐林时，他就表示：“多谢佢哋喇，其实作为一个演员，任何角色都想做好佢。我有阵时行街经过，有啲街坊都话我呢个角色做得好，睇到喊晒口。因为我系第一次做呢类角色，所以我都用咗唔少时间去观察，例如我有时会落街坐吓，我都会睇吓啲有肌肉萎缩嘅人系点样。咁渐冻症呢个病其实就系肌肉不断咁萎缩，不过个人系清醒嘅，但系就会不停咁衰退到死，唔受控制，其实真系好惨。”的确，渐冻人症暂时依然都是不治之症，有些病人过不了这种痛苦的生活，也可能会选择剧中罗乐林的那条路，去瑞士安乐死。

在《2014年万千星辉颁奖典礼》，获得“专业演员大奖”显然并未足够肯定他的演技和付出，不过可能已经看透一切，他已经不会着重奖项：“唔会谂争奖喇，呢个系公司嘅游戏规则，唔到我话事，控制唔到嘅嘢唔去谂喇。好似当年《楚汉骄雄》入面我做范增都做得好好，都系无。又好似《大时代》入面做叶天，𠮶阵我都唔识炒股都好努力去演，即使过咗廿几三十年都仲有人记得，仲有共鸣，仲有街坊叫得出我个角色名，有人留意到我已经好开心喇。TVB颁奖咁多制度，我宁愿有人落街同我打吓招呼就够喇。”即使未曾获得视帝、配角、我最喜爱乜乜这些奖项，不过在观众心目中，他的演技不会因为奖项已不受肯定，相反这个无冕之王，可能比现在的视帝更受人尊重。